Dini Qurumlarla İş üzrə Dövlət Komitəsinin sədri Ramin Məmmədov aprelin 14-də Ağdam rayonunda vətəndaş qəbulu keçirəcək.

Azərbaycanda dövlət qeydiyyatına alınmış bütün siyasi partiyalar 2025-ci il üzrə maliyyə hesabatlarını Mərkəzi Seçki Komissiyasına (MSK) təqdim edib. MSK-ya maliyyə hesabatı təqdim edən partiyalar aşağıdakılardır: 1 Yeni Azərbaycan Partiyası (YAP)

Aprelin 7-də Trend İnformasiya Agentliyinin baş ofisində Qazaxıstan Respublikasından olan nümayəndə heyəti ilə görüş keçirilib. Görüşdə Trend BİA-nin direktoru İlqar Hüseynov və Trend BİA-nin direktor müavini, Medianın İnkişafı Agentliyinin Müşahidə Şurasının üzvü, millət vəkili Sevil Mikayılova iştirak ediblər. Qazaxıstan tərəfini ölkənin mədəniyyət və informasiya üzrə vitse-naziri Rüstəm Əli, Beynəlxalq İnformasiya Komitəsinin sədri Erlan Jetibayev, həmçinin Qazaxıstan Respublikasının Azərbaycan Respublikasındakı səfirliyinin attaşesi Temirlan Baxıtjan təmsil ediblər.

Avtomobil həvəskarlarının Infiniti markasından gözləntiləri son illər tam qarşılanmasa da, görünür, şirkət bu vəziyyəti kökündən dəyişməyə və "at gücü müharibələrinə" qoşulmağa hazırlaşır. Bu iddialı planın mərkəzində markanın flaqman SUV modeli olan QX80 dayanır.

“AzerGold” QSC Naxçıvan memarlıq məktəbinin banisi Əcəmi Naxçıvaninin zəngin irsinə həsr olunmuş gümüş xatirə sikkəsinin istehsalına start verib. “Şəhərsalma və Memarlıq İli” çərçivəsində hazırlanmış bu xüsusi buraxılış dahi memarın 900 illik yubileyinə həsr olunub. Sikkədə memarın və onun davamçılarının ərsəyə gətirdiyi tarixi tikililər təsvir olunub.

Azərbaycan Respublikasının Prezidenti cənab İlham Əliyevin 25 yanvar 2019-cu il tarixli Fərmanına uyğun olaraq, İpoteka və Kredit Zəmanət Fondu tərəfindən şəxsi yığımları yetərli olmayan vətəndaşların mənzil şəraitinin yaxşılaşdırılması məqsədilə satmaq öhdəliyi ilə kirayə mexanizminin icrası uğurla davam etdirilir.

Aprelin 8-də Azərbaycan Respublikasının maliyyə naziri, Azərbaycan Respublikası ilə Serbiya Respublikası arasında ticarət və iqtisadi əməkdaşlıq üzrə Hökumətlərarası Komissiyanın həmsədri Sahil Babayev ölkəmizdə səfərdə olan Serbiya Respublikasının mədən və energetika naziri xanım Dubravka Djedoviç Handanoviçin rəhbərlik etdiyi nümayəndə heyəti ilə görüşüb.

Azercell-in qadınların ictimai və iqtisadi həyatda fəallığının artırılmasına yönəlmiş “Həyatı daha dolğun edirik: qadınlara dəstək proqramı” çərçivəsində maliyyələşən və İnnovativ İnkişafa Dəstək ictimai birliyi tərəfindən icra edilən “StartHer Quba” – Startuplarda qadınların rolu layihəsinə start verildi.

Ermənilərin Kəlbəcər rayonunun Ağdaban kəndində azərbaycanlılara qarşı kütləvi qırğın törətməsindən 34 il ötür.

Gömrük rüsumlarının artması, yanacaq qiymətlərinin qalxması və elektromobillər üçün güzəştlərin ləğvi bir çox avtomobil modeli üçün çətinlik yaratsa da, Ford Mustang bu ili böyük uğurla keçirir. Fordun bu həftənin əvvəlində açıqladığı satış hesabatına görə, 2026-cı ilin birinci rübündə 14,074 ədəd Mustang (söhbət Mach-E modelindən deyil, ənənəvi kupe və kabrioletdən gedir) satılıb.

Azərbaycanın paytaxtı aprel ayında növbəti möhtəşəm avtomobil tədbirinə ev sahibliyi etməyə hazırlaşır. 10-12 aprel tarixlərində "Park Bulvar" ticarət mərkəzində Azərbaycan Avtomobil Dilerləri Assosiasiyasının (AADA) təşkilatçılığı ilə "Yaponiya Avtomobilləri Festivalı" baş tutacaq.

Görüşdə Mentorluq Proqramı müddətində görülən işlər, əldə olunan təcrübə, iştirakçıların peşəkar və şəxsi inkişaf istiqamətində qazandıqları bilik və bacarıqlar, eləcə də qarşıdakı dövrdə bu potensialın daha səmərəli şəkildə dəyərləndirilməsi məsələləri müzakirə olunub.