BAKI,VOA
Azercell-in qadınların ictimai və iqtisadi həyatda fəallığının artırılmasına yönəlmiş “Həyatı daha dolğun edirik: qadınlara dəstək proqramı” çərçivəsində maliyyələşən və İnnovativ İnkişafa Dəstək ictimai birliyi tərəfindən icra edilən “StartHer Quba” – Startuplarda qadınların rolu layihəsinə start verildi.
VOA xəbər verir ki, layihənin ilk açılış günü İnnovativ İnkişafa Dəstək ictimai birliyinin sədri Hümmət Əliyev çıxış edərək, layihənin donoru və məqsədləri haqqında ətraflı məlumat vermişdir.
Layihənin məqsədi Quba rayonunda yaşayan 20 nəfər gənc qızın startaup və sahibkarlıq bacarıqlarını inkişaf etdirməkdir.
Layihəyə müraciət forması vasitəsi ilə seçilmiş 20 nəfər gənc qız üçün 5 əyani, 3 distant formada olmaqla ümumilikdə 8 təlim sessiyası təşkil olunacaqdır.
Təlimlərdə startup, sahibkarlıq, maliyyə savadlılığı, komanda işi, təqdimat və s. mövzular keçiriləcəkdir. Təlimlər çərçivəsində iştirakçılar komandalara bölünərək ideyalar üzrə çalışacaq, may ayında Hakaton təşkil ediləcəkdir.
Komandalar münsiflər qarşısında ideyalarını təqdim edərək qaliblər seçiləcəkdir. Qaliblərə pul mükafatı və hədiyyələr təqdim ediləcəkdir. Təlimlər startap və sahibkarlıq sahəsində peşəkar təlimçilər Rafət Şirəliyev və Sara Rəcəbli tərəfindən həyata keçiriləcəkdir.
