BAKI,VOA

Prezident Şavkat Mirziyoyev Özbəkistanda diplomatik missiyasını başa vuran Azərbaycan səfiri Hüseyn Quliyevi qəbul edib. Bu barədə dövlət başçısının mətbuat xidməti məlumat verib.

VOA xəbər verir ki, grüşdə səfirin iki ölkə arasında strateji tərəfdaşlıq və müttəfiqliyin möhkəmləndirilməsinə verdiyi töhfələr vurğulanıb.

Son illərdə Özbəkistan və Azərbaycan arasında əməkdaşlıq durmadan inkişaf edir və qarşılıqlı ticarətin həcmi dəfələrlə artıb. Azərbaycan kapitalının iştirakı ilə 280 müəssisə yaradılıb və Birgə İnvestisiya Şirkəti fəaliyyətə başlayıb.

Geologiya, kənd təsərrüfatı, nəqliyyat, şəhərsalma, tekstil və əczaçılıq sahələrində də bir sıra əməkdaşlıq layihələri həyata keçirilir.

Görüşün sonunda prezident iki ölkə arasında çoxşaxəli münasibətlərin inkişafına verdiyi töhfəyə görə Hüseyn Quliyevə "Əmək Şöhrəti" ordeni təqdim edib.

Səfir diplomatik nümayəndəliyin fəaliyyətinə verilən yüksək qiymətə və iki ölkə arasında əməkdaşlığı dəstəklədiyinə görə ölkə başçısına minnətdarlığını bildirib.