BAKI,AzerVoice

İkinci Qarabağ müharibəsindən sonra 387 Azərbaycan vətəndaşı minaların qurbanı olub.

AzerVoice xəbər verir ki, bu barədə Azərbaycan Resbpulikasının Xarici İşlər Nazirliyinin "X" sosial şəbəkəsindəki paylaşımında deyilir.

"Ermənistan tərəfindən qəsdən basdırılmış minalar Azərbaycanın mülki əhalisinin təhlükəsizliyini və rifahını təhlükə altına almaqda davam edir. Bu gün Ağdamda daha bir mülki şəxs mina partlayışının qurbanı olub. 2020-ci il müharibəsinin bitməsindən indiyədək minalarla çirklənmə nəticəsində ümumilikdə 387 azərbaycanlı həlak olub və ya ağır yaralanıb. Minalarla çirklənmə regionda sülh, barışıq və sabitliyə əsas maneə yaradır. Biz beynəlxalq ictimaiyyəti bu kritik problemin həllində siyasi və praktiki dəstək verməyə çağırırıq", - deyə paylaşımda deyilir.

Qeyd edək ki, bu gün işğaldan azad edilmiş Ağdam rayonunun Çəmənli kəndi ərazisində mina hadisəsi baş verib.

1968-ci il təvəllüdlü Ağdam rayon sakini Abbasov Nurəddin Feyzi oğlu heyvan otararkən keçmiş təmas xəttində, minalardan təmizlənməmiş əraziyə daxil olaraq piyada əleyhinə minanın partlayışı nəticəsində ayağından xəsarət alıb.

Xəsarət alan şəxs xəstəxanaya təxliyə edilib.

Faktla bağlı Ağdam rayon prokurorluğunda araşdırma aparılır.