Bakı, AzerVoice
Ümumdunya Səhiyyə Təşkilatı (ÜST) və Birləşmiş Millətlər Təşkilatı (BMT) Qəzzada ortaya çıxan uşaq iflicinə qarşı peyvənd çağrışı edib.
AzerVoice xəbər verir ki, bu barədə BMT-nin baş katibi Antonio Quterreş keçən həftə etdiyi açıqlamada bütün tərəfləri peyvənd üçün atəşkəsə çağırıb.
Keçən həftə Qəzzada bir poliomielit hadisəsi təsdiqlənsə də, bunun daha çox olduğu ehtimal edilir.
Qeyd edək ki, Poliomielit 25 il əvvəl Qəzzada aradan qaldırılmışdı, lakin 10 aydır davam edən müharibə nəticəsində peyvəndin əhatə dairəsi xeyli azalıb.
Yayılmış epidemiyanın qarşısını almaq üçün Qəzzaya 1,6 milyon dozadan çox peyvənd çatdırılması və 600 mindən çox uşağın peyvənd edilməsi nəzərdə tutulub.
BMT-nin məlumatına görə, Qəzzada hazırda 36 xəstəxananın yalnız üçdə biri və ilkin səhiyyə müəssisələrinin sadəcə 40 faizi fəaliyyət göstərir.
Digər tərəfdən, ÜST və UNİCEF peyvənd kampaniyasının 2700 əməkdaşın köməyi ilə Qəzzanın bütün bələdiyyələrində aparılmasını planlaşdırdıqlarını bildirib.
