BAKI, AzerVoice

İsrailin Qəzzaya hərbi hücumları nəticəsində 48 mindən çox insan həyatını itirdiyi bölgədə davam edən humanitar böhran, Ramazan ayında daha da kəskinləşib.

AzerVoice xəbər verir ki, humanitar yardımların məhdudlaşdırılması səbəbindən Qəzzə əhalisi aclıq və çətin şəraitdə Ramazanı keçirmək məcburiyyətində qalır.

Atəşkəs razılaşmasına baxmayaraq, İsrail hökuməti Qəzzaya humanitar yardımların girişini məhdudlaşdırıb. Bunun nəticəsində ərzaq, su, elektrik enerjisi və digər əsas ehtiyaclar çatışmır. Ailələr bir-birindən ayrılıb, məcburi köçkünlər isə məhrumiyyətlər içində yaşayır.

Beynəlxalq media Qəzzada Ramazan ayının necə keçdiyini diqqətə çatdırır. İsrailin "Haaretz" qəzeti yazır ki, elektrik enerjisinin olmaması səbəbindən bir çox ailə fənərlərlə işıqlandırmaya çalışır. Bu kiçik işıq mənbələri həm də ümid rəmzinə çevrilib.

Müharibə şəraitində olan Qəzzədə, ənənəvi iftar süfrələri qurmaq mümkün deyil. Buna baxmayaraq, insanlar kütləvi iftar və sahur təşkilatları vasitəsilə bir araya gəlib həmrəyliyini nümayiş etdirir. Çətinliklərə baxmayaraq, Qəzzə sakinləri şəhəri bayraqlar və işıqlarla bəzəyərək Ramazan sevincini yaşatmağa çalışırlar.Nusayrat Qaçqın Düşərgəsindən olan İmad bildirir ki, ərzaq və konserv məhsullarına ciddi ehtiyac var. O qeyd edir ki, müharibə Ramazan ayının mənasını dəyişib və ailələrin bir yerdə iftar etməsini çətinləşdirib:

Qəzzə sakinləri müharibənin kölgəsində və çətin şəraitdə Ramazan ayını keçirməyə çalışırlar. İtki, aclıq və yoxsulluğa baxmayaraq, insanlar bir-birinə dəstək olmağa davam edir. "Ramazanınız mübarək" sözləri, ağır şəraitə baxmayaraq, Qəzzədə ümidin hələ də yaşadığını göstərir.