Bakı. AzerVoice:
Özbəkistan Respublikasının Rəqəmsal Texnologiyalar Nazirliyinin nümayəndələri İspaniyanın Barselona şəhərində keçirilən Mobil Dünya Konqresində (MWC Barcelona 2024) iştirak edirlər.
AzerVoice-un məlumatına görə, MWC Barcelona 2024 müxtəlif ölkələrin hökumət, təşkilat və şirkət rəhbərlərini bir araya gətirən İT sektorunun ən mühüm beynəlxalq tədbirlərindən biridir.
Tədbirdə aparıcı ekspertlər son tendensiyaları müzakirə edəcək və ən son nailiyyətləri təqdim edəcəklər.
Bu il konqres proqramı bulud və 5G texnologiyaları, süni intellektin təşviqi və digər aktual məsələlərə həsr olunub.
Konqres iştirakçıları arasında aparıcı texnoloji avadanlıq və proqram təminatı istehsalçıları, telekommunikasiya və mobil operatorlar, milli İT bazarlarının nümayəndələri var.
Tədbir çərçivəsində Özbəkistan nümayəndələrinin xarici şirkətlərin rəhbərləri ilə görüşləri nəzərdə tutulub.
