Banqladeşin korrupsiyaya qarşı qurumları devrilmiş baş nazir Şeyx Hasinaya məxsus bank seyflərindən təxminən 10 kiloqram (22 funt) qızıl ələ keçirib. Rəsmilərin bildirdiyinə görə, tapılan qızılın dəyəri təxminən 1,3 milyon dollar təşkil edir. Milli Gəlir İdarəsinin Mərkəzi Kəşfiyyat Şöbəsi (CIC) qızılın sentyabr ayında müsadirə edilmiş seyflərin açılmasından sonra aşkarlandığını açıqlayıb.

İran Ali Milli Təhlükəsizlik Şurasının katibi Əli Laricani bildirib ki, Tehran yalnız həqiqi və nəticəsi əvvəlcədən planlaşdırılmamış danışıqları qəbul edə bilər. Pakistanın paytaxtı İslamabadda, İran səfirliyində regional və beynəlxalq sülh və təhlükəsizlik sahəsində fəaliyyət göstərən beyin mərkəzlərinin rəhbərləri və mütəxəssislərlə görüşündə çıxış edən Laricani vurğulayıb ki, ABŞ özünü bütün qlobal proseslərin mərkəzi kimi təqdim etməyə çalışsa da, bu, “özünü aldatmaqdan” başqa bir şey deyil.

İranda hava çirkliliyi və qrip (İnfluenza) epidemiyasının artması səbəbindən ölkənin 18 əyalətində orta və ali təhsil müəssisələrində dərslər distant formada keçirilir. Farhikhtegan xəbər saytının məlumatına görə, Təhəran, Elborz, Kum, Qərbi və Şərqi Azərbaycan, Mərkəzi, Kazvin, Simnan və İsfahan əyalətlərində tələbələr hava çirkliliyi səbəbindən məktəbə gedə bilmir. Həmədan, Qilan, Yəzd, Kirman, Sistan-Bəlucistan, Cənubi və Şimali Xorasan, Xorasan-i Rəzəvi və Zəncan əyalətlərində isə dərslər qrip epidemiyası ilə əlaqədar dayandırılıb.

İtaliya parlamenti qadın qətlini cinayət qanununa daxil edən və bu cinayəti ömürlük həbs cəzası ilə cəzalandıran qanunu təsdiqləyib. Son illərdə İtaliyada qadınlara qarşı zorakılıq və qadın qətllərinin artması ölkədə geniş ictimai etiraza səbəb olmuşdu. Bu problemi aradan qaldırmaq üçün mühüm addım atan parlament, qadın qətlini qanuna daxil edən və müvafiq cəzanı nəzərdə tutan qanunu qəbul edib.

Birləşmiş Millətlər Təşkilatı (BMT), növbəti Baş katibin müəyyən edilməsi üçün seçki prosesinə rəsmi şəkildə start verib. BMT Baş Assambleyası və BMT Təhlükəsizlik Şurası, üzv dövlətlərə namizədlərini təqdim etmələri üçün birgə məktub göndərib. BMT Baş Assambleyasının Prezidenti Annalena Baerbock açıqlamasında bildirib ki, o və Təhlükəsizlik Şurasının cari sədrliyini həyata keçirən Syerra-Leonenin BMT Daimi Nümayəndəsi Maykl İmran Kanu məktubu imzalayaraq üzv ölkələrə təqdim ediblər.

ABŞ Prezidenti Donald Tramp, Venesuela Prezidenti Nikolas Maduro ilə görüşmək ehtimalına açıq olduğunu bildirib. Tramp bu barədə Şükran Günü tətili üçün Vaşinqtondan Florida ştatına yola düşərkən təyyarədə jurnalistlərin suallarını cavablandırarkən danışıb. Prezident Tramp, ABŞ–Venesuela münasibətlərindəki gərginliyə görə bir daha Maduro hökumətini günahlandırsa da, dialoqa hələ də açıq olduğunu vurğulayıb. O, ABŞ-ın Venesueladakı bir təşkilatı “xarici terror təşkilatları” siyahısına salması və həmin qurumun başında Maduro-nun olduğu iddialarına toxunan jurnalistin “Niyə hələ də onunla görüşmək istəyirsiniz?” sualına belə cavab verib:

İran və Pakistanın yüksək səviyyəli rəsmiləri İslamabadda keçirilən görüşdə Fələstin xalqına dəstək məqsədilə birgə və koordinasiyalı fəaliyyətin vacibliyini qeyd ediblər. İranın Ali Milli Təhlükəsizlik Şurasının (SNSC) katibi Əli Laricani və Pakistan Xarici İşlər naziri Məhəmməd İshaq Dar arasında keçirilən görüşdə son regional inkişaflar və İslam ölkələrinin ortaq çağırışlarla mübarizədə birgə addımlar atmasının zəruriliyi müzakirə olunub.

İranın paytaxtı Təhranda hava çirkliliyinin 22 faizi motosikletlərdən qaynaqlandığı açıqlanıb. Təhran Bələdiyyəsi Məclisinin sədri Mehdi Çemran bildirib ki, motosikletlərin elektriklə işləyən modellərlə əvəz edilməsi həm çirkliliyi azaltmaq, həm də təhlükəsizliyi artırmaq baxımından effektiv olacaq. İran Daxili İşlər Nazirliyinin məlumatına görə, paytaxtda 4 milyondan çox motosiklet fəaliyyət göstərir, onların 92 faizi köhnə modeldir və bir çoxunun rəsmi qeydiyyatı yoxdur.

Sudanda Sürətli Dəstək Qüvvələrinin rəhbəri Məhəmməd Hamdan Daqalu üç aylıq humanitar atəşkəs elan edib. RSF-nin sosial media hesabında yayımlanan videoda Daqalu bildirib ki, müharibə xalqı yorub, insanların əzabları artıb və qan tökülməsinin dayandırılması təxirə salınmaz bir vəzifəyə çevrilib. O əlavə edib ki, milli məsuliyyət və ABŞ Prezidenti Donald Trampın təşəbbüsü ilə dördlü mexanizm (ABŞ, Səudiyyə Ərəbistanı, Misir və Birləşmiş Ərəb Əmirlikləri), Afrika Birliyi və Şərqi Afrikada Hökumətlərarası İnkişaf Təşkilatının beynəlxalq səylərinə cavab olaraq atəşkəs elan olunur.

Yaponiya Baş naziri Sanai Takaiçi və ABŞ Prezidenti Donald Tramp telefon danışığı zamanı iki ölkənin yaxın əməkdaşlığını yenidən təsdiqləyiblər. Yaponiya Xarici İşlər Nazirliyinin açıqlamasına görə, Takaiçi və Tramp təxminən 25 dəqiqə telefonla görüşüblər. Takaiçi görüş zamanı Trampa Yaponiya səfəri ilə bağlı bir qəzet üçün əl yazısı ilə hazırladığı mesajı hədiyyə etdiyi və həmçinin Ukraynada sülhün təmin olunmasında ABŞ-ın göstərdiyi səylərə görə təşəkkürünü çatdırıb.

Pakistan ordusu, Hindistan tərəfindən dəstəkləndiyi iddia edilən ümumilikdə 22 silahlının Xayber Paxtunxva əyalətində keçirilən əməliyyat zamanı öldürüldüyünü açıqlayıb.Pakistan Ordusunun İctimaiyyətlə Əlaqələr İdarəsi (ISPR) bildirib ki, kəşfiyyat məlumatları əsasında əyalətin Bannu bölgəsində əməliyyat keçirilib. Açıqlamada qeyd olunub ki, şiddətli qarşıdurmadan sonra Hindistan tərəfindən dəstəklənən 22 militant zərərsizləşdirilib.

İranın xarici işlər naziri Abbas Əraqçi bu həftə Fransa ilə ikitərəfli məsələlər, həmçinin regional və beynəlxalq inkişaflarla bağlı danışıqlar aparmaq məqsədilə Parisə səfər edəcək. İran Xarici İşlər Nazirliyinin sözçüsü İsmail Baqai bazar ertəsi axşam açıqlayıb ki, Əraqçi bu həftə Fransaya səfər edəcək. Haaqada Kimyəvi Silahların Qadağan edilməsi Təşkilatının (OPCW) illik toplantısında iştirak etdikdən sonra, xarici işlər naziri fransalı həmkarının dəvəti ilə Parisə yola düşəcək.