BAKI, AzerVoice
Boliviyanın Ədliyyə naziri Sesar Siles prezident Luis Arseyə müraciət edərək istefa ərizəsini təqdim edib.
AzerVoice xəbər verir ki, bu barədə Siles X sosial şəbəkə hesabında paylaşdım edib.
“Son günlər haqqımda əsassız şayiələr və ittihamlar yayıldığını öyrəndim. Hakimiyyətdə qalmaq istəyənlərə, ölkəni qeyri-sabitləşdirməyə çalışanlara və ümumi seçkilərin keçirilməsinə mane olmaq istəyənlərə yeni bəhanə verməmək üçün sizə, ölkə başçısına istefa ərizəmi təqdim edirəm” - deyə, paylaşımda qeyd olunub.
Nazir haqqında yayılan şayiə və ittihamların nədən ibarət olduğunu dəqiqləşdirməyib.
Qeyd edək ki, Boliviyada artıq bir neçə gündür keçmiş prezident Evo Moralesin tərəfdarlarının keçirdiyi etiraz aksiyaları davam edir. Aksiyalar zamanı toqquşmalar baş verib, altı nəfər ölüb, onlardan dördü hüquq-mühafizə orqanlarının əməkdaşı olub.