Bakı, AzerVoice

İran prezidenti Məsud Pezeşkian ölkəsinin bir çox sahədə “ciddi işlərə” ehtiyacı olduğunu vurğulayıb.

AzerVoice ArabAZ-a istinadən xəbər verir ki, Pezeşkian öləkənin Ali Dini Rəhbəri Əli Xamenei tərəfindən dəstəklənən yeni hökumətin qarşısında maneələrin olduğunu qeyd edib.

“Biz görmək istədiyimiz hər bir işdə həssas qrupları nəzərə almalı və onların inkişafın “təkəri altında” əzilməsinə imkan verməməliyik. Biz həll yollarımızın insanları və həssas qrupları böhranlar qarşısında qoymasına imkan verməyəcəyik. Xalq həkimin onlarla daim əlaqə saxlamasını istəyir. İndi bizim missiyamız xalqın razılığını qazanmaqdır. Etmək istədiyimiz hər bir işə insanları özümüzə cəlb etməklə başlamalıyıq. Bizim çox böyük işlərimiz var, lakin biz insanlara başa salmalıyıq ki, bu işlər onlar üçün aparılır. Ölkənin şərqində və qərbində insanlar yoxsulluq içində yaşayır, bütün resurslar oradadır. Biz (hüquqi) cəmiyyət təsis etməliyik, elitalara və iş adamlarına hörmət etməli, maneələri aradan qaldırmaq üçün əl-ələ verməliyik. Bizim niyyətimiz və iradəmiz maneələri aradan qaldırmaqdır. Bizim səlahiyyətlərimiz var və məsələlər bizim nəzarətimizdədir”, -deyə o  bildirib.

İran prezidenti  eyni zamanda qubernatorlara səlahiyyətlərin verilməsinə də çağırış edib və bunu edəcəyinə söz verib.

İran prezidenti onu da əlavə edib ki, hər şeyi yuxarıdan həll edən bir qrup insan olması düzgün deyil

 “Plansız səlahiyyətlər xaos deməkdir. Biz əvvəlcə nə qurmaq istədiyimizi bilməliyik, sonra məsuliyyət daşıyanlara səlahiyyətlər verməliyik. Hökumətim davam edəcəksə, ilk növbədə ticarət və sənaye çiçəklənməlidir, əks halda mənim hakimiyətdə qalmağım mənasızdı. Hökumətlərin vəzifəsi iş adamları, istehsalçılar və sənayeçilər üçün öz işlərini təhlükəsiz yerinə yetirə bilmələri üçün müvafiq mühit yaratmaqdır. İraqa, oradan da Türkmənistana gedəcəyik. Sərhədlərimiz boyu ticarət və ixrac mühiti yarada bilsək, ticarətin çiçəklənməsinə nail ola bilərik. Ticarətinizi yaxşılaşdırmaq üçün yollar açmalıyıq ”-deyə İran prezidenti deyib.