Bakı.AzerVoice

Fələstin prezidenti Mahmud Abbas Türkiyə Böyük Millət Məclisinin Baş Assambleyasında dünyaya müraciət edib.

AzerVoice xəbər verir ki,Türkiyə prezidenti Rəcəb Tayyib Ərdoğanın dəvəti ilə Türkiyəyə səfər edən Abbas Türkiyə Böyük Millət Məclisinin Baş Assambleyasında çıxış edib.

Ərdoğan “Fələstinlə bağlı fövqəladə iclas”da iştirak etmək üçün Türkiyə Böyük Millət Məclisinə gəlib.

Parlamentin sədri Numan Kurtulmuş açılış zamanı etdiyi çıxışda İsrail tərəfindən Fələstində törədilən soyqırıma Türkiyənin heç vaxt biganə qalmayacağını və hər zaman Fələstinin səsi olacaqlarını deyib.

Abbas parlamentdə iştirak edənləri salamladıqdan sonra Fələstinə dəstəyindən dolayı türk xalqına təşəkkür edib.

Abbas İsrailin törətdiyi soyqırımda 40 min fələstinlinin qətlə yetirildiyinə diqqət çəkib və müqavimət göstərməyə davam edəcəklərini bildirib.

Qəzzanı yenidən quracağıq deyən Abbas,paytaxtı Şərqi Qüds olan dövlət quracağıq deyə çıxışına əlavə edib.

Hər şeyə rəğmən məğrur duracaqlarınnı deyən Abbas, “Torpaqlarımızdan çıxmayacağıq, Fələstinin birliyi üçün çalışırıq, Fələstin azad olacaq. İşğalçı yox olmağa məhkumdur. Artıq önümüzdə heç bir həll yolu qalmayıb. Buna görə də mən, bütün Fələstin rəhbərləri Qəzzaya getmək qərarını verdik. Bunu edərik. Bizim həyatımız Qəzzadakı heç bir uşağın həyatından dəyərli deyil”, - deyə qeyd edib.