Bakı, AzerVoice
Zaporojya Atom Elektrik Stansiyasında yanğın baş verib.
AzerVoice xəbər verir ki, bu barədə Rusiya tərəfindən ilhaq edilmiş Zaporojya vilayətinin qubernatoru Yevgeni Balitskiy yazılı açıqlama verib.
Balitskiy bildirib ki, Ukrayna ordusunun artilleriya atəşi ilə həyata keçirdiyi hücum nəticəsində Zaporojya AES-in soyutma sistemində yanğın baş verib.
Balitskiy elektrik stansiyasında və onun yerləşdiyi şəhərdə radiasiya səviyyəsinin normal səviyyədə olduğunu vurğulayaraq, yanğının söndürülməsi istiqamətində işlərin davam etdiyini qeyd edib.
Məlumat üçün bildirək ki, Ukraynanın cənub-şərqindəki Zaporojya Atom Elektrik Stansiyası Avropanın ən böyük atom elektrik stansiyasıdır.
Hafiz Rufizoğlu
Xəbərlərimizi “WhatsApp” kanalımızdan oxuyun
