Bakı, VOA
Avropa İttifaqının (Aİ) bankı kimi fəaliyyət göstərən Avropa İnvestisiya Bankının (AİB) keçmiş prezidenti Verner Hoyerə qarşı korrupsiya, səlahiyyət və İttifaq vəsaitlərindən sui-istifadə ittihamları ilə bağlı istintaq başladılıb.
VOA xəbər verir ki, Avropa Baş Prokurorluğu (EPPO) AİB-nin 2 keçmiş əməkdaşının toxunulmazlığının ləğv edilməsi və yoxlama aparmaq üçün qurumun Lüksemburqdakı binalarının və arxivlərinin açılması tələblərinin qəbul edildiyini bildirib.
Açıqlamada toxunulmazlığın qaldırılması tələbinin şübhəli korrupsiya, səlahiyyət və AB vəsaitlərinin sui-istifadəsi ilə bağlı araşdırma çərçivəsində həyata keçirildiyinə diqqət çəkib.
Açıqlamada, şübhələrin Avropa Fırıldaqlarla Mübarizə Ofisi (OLAF) tərəfindən EPPO-ya bildirildiyi və qanuni öhdəliklərə uyğun olaraq AİB-nin 2 keçmiş əməkdaşının toxunulmazlığının qaldırılmasına qərar verildiyi bildirilib.
Bəyanatda qeyd olunub ki, onların toxunulmazlığının götürülməsi ilə EPPO istintaqı səmərəli şəkildə davam etdirəcək, bütün sübutlar toplanaraq məsələyə tam şəkildə aydınlıq gətirmək mümkün olacaqdır.
AB prokurorluğu araşdırılan şəxslərin adlarını açıqlamasa da, AİB-nin keçmiş prezidenti Verner Hoyer “Mənə qarşı irəli sürülən ittihamlar tamamilə absurd və əsassızdır” deyib.
Hoyer bildirib ki, o, Aİ prokurorluğu ilə tam əməkdaşlıq edir və məsələnin araşdırılmasını və bütün faktların ortaya çıxarılmasını gözləyir.
Digər tərəfdən iddia olunur ki, araşdırmanın mərkəzində olan əsas məsələ AİB əməkdaşının işdən çıxarkən aldığı təzminatdır.
Qeyd edək, Alman Verner Hoyer 2012-2023-cü illərdə AİB prezidenti vəzifəsində çalışıb.
Baş ofisi Lüksemburqda yerləşən AİB Aİ-nin maliyyə institutu kimi qarşıya qoyulan məqsədlərə uyğun olaraq dövlət və özəl sektorlara uzunmüddətli sərfəli kreditlər təqdim edir. AİB hər il təxminən 80 milyard avro kredit verir.
