Bakı, AzerVoice
NATO-nun hərbi kontingentinin Ukraynada yerləşdirilməsi yalnız münaqişə üçün əlavə səbəblər yaradacaq.
AzerVoice xəbər verir ki, bunu Rusiya prezidentinin mətbuat katibi Dmitri Peskov deyib.
Peskov, həmçinin, ABŞ-ın Rusiyanın Ukraynadakı hərəkətlərini araşdıran beynəlxalq qrupdan çıxmasını "lazımsız funksiyaların azaldılması" adlandırıb.
“ABŞ tədricən imtina edir və lazımsız funksiyaları azaldır. Deməli, onlar bunu lazımsız bir funksiya hesab edirlər”, - deyə o bildirib.
Qeyd edək ki, bundan əvvəl ABŞ Rusiyanın Ukraynadakı xüsusi hərbi əməliyyatları ilə bağlı fəaliyyətlərini araşdıran beynəlxalq mərkəzdən çıxmaq qərarına gəlib. Məlumata görə, ABŞ Ədliyyə Nazirliyinin əməkdaşları bu barədə Avropadakı həmkarlarını əvvəldən məlumatlandırıblar. Mənbələrə görə, Vaşinqtonun bu gün bu qərarı rəsmi olaraq qəbul edəcəyi gözlənilir.