BAKI, AzerVoice
İordaniya kraliçası Rania cümə axşamı günü Akabada yerləşən Şahzadə Rəşid Klubunda Ramazan iftar süfrəsi təşkil edib.
AzerVoice xəbər verir ki, Tədbirdə İordaniyanın cənubunda, Qırmızı dəniz sahilində yerləşən Akaba vilayətindən müxtəlif sahələrdə fəaliyyət göstərən qadın liderlər və fəallar iştirak ediblər.
Kraliça Rania iştirakçıları Ramazan ayı və 8 martda qeyd olunacaq Beynəlxalq Qadınlar Günü münasibətilə təbrik edib.
O, iordaniyalı qadınların işçi qüvvəsinə və əmək bazarına verdiyi töhfələri, həmçinin ailələrində rahatlıq və əmin-amanlıq yaratmaq üçün gördükləri işləri yüksək qiymətləndirib.
Akaba valisi Xalid əl-Həccac kraliçanı şəhərdə salamlayaraq qadınların gücləndirilməsi istiqamətindəki səylərinə görə ona təşəkkür edib.
Tədbirdə Akaba Limanlar Korporasiyasının baş direktoru Mahmud Xəlifat və Şahzadə Rəşid Klubunun direktoru Mühənnəd Əl-Nasir də iştirak ediblər.