Bakı,
AzerVoice
ABŞ prezidenti Donald Tramp dünən bildirib ki, Ukrayna prezidenti
Vladimir Zelenski sabah Vaşinqtona səfər edəcək və iki ölkə
arasında mineral ehtiyatların istismarı ilə bağlı saziş
imzalanacaq.
AzerVoice xəbər verir ki , Zelenski
ABŞ-la iqtisadi əməkdaşlıq çərçivəsinin hazır olduğunu, lakin Kiyev
üçün vacib olan təhlükəsizlik zəmanətlərinin hələ tam
razılaşdırılmadığını vurğulayıb.
Bu açıqlamadan sonra Tramp bildirib ki, Ukraynaya təhlükəsizlik
zəmanətinin verilməsi ABŞ-dan deyil, əsasən Avropa ölkələrindən
asılıdır.
Bu arada, Avropa İttifaqı (Aİ) liderləri Rusiya ilə üç ildir davam edən münaqişədə atəşkəs rejimini müzakirə etmək üçün dünən videokonfrans formatında görüşüblər. Görüş çərçivəsində Fransa prezidenti Emmanuel Makron və Donald Tramp arasında aparılan müzakirələrdə qısamüddətli atəşkəsin əldə edilməsi və Rusiyanın münaqişənin həllində Avropanın rolunu qəbul etməsi məsələləri diqqət mərkəzində olub.