Bakı,AzerVoice
ABŞ və Rusiya arasında Rusiya-Ukrayna müharibəsi ilə bağlı sabah Səudiyyə Ərəbistanında görüş baş tutacaq.
AzerVoice xəbər verir ki, bu barədə Kremlin sözçüsü Dmitri Peskov bildirib.
Yüksək səviyyəli amerika və rus rəsmiləri sabah Səudiyyə Ərəbistanında müharibənin dayandırılması ilə bağlı görüş keçirəcəklər.
Digər tərəfdən, Ukrayna hökumətinin bu görüşə dəvət edilmədiyi də bildirilib.
Qeyd edək ki, ABŞ Prezidenti Donald Tramp, Rusiya Prezidenti Vladimir Putinlə görüşünün çox tezliklə" baş tuta biləcəyini bildirərək, Rusiya-Ukrayna müharibəsini dayandırmaq istədiklərini qeyd etmişdi.
ABŞ Prezidenti Tramp, 12 fevralda həm Putin, həm də Ukrayna Prezidenti Volodimir Zelenski ilə ayrı-ayrılıqda telefon danışığı aparmış və amerikalı və rus nümayəndə heyətlərinin Səudiyyə Ərəbistanında görüşəcəyini söyləmişdi.