BAKI, AzerVoice
Amerika Silahlı Qüvvələrinin əsas vəzifəsi dünyanın müxtəlif yerlərində zor gücü ilə demokratiya yaymaq deyil, ölkənin sərhədlərini müdafiə etmək olacaq.
AzerVoice xəbər verir ki, bu sözləri ABŞ Prezidenti Donald Tramp Nyu-York ştatındakı Vest-Poynt Hərbi Akademiyasının məzunları qarşısında çıxışı zamanı deyib.
"Biz fundamental bir prinsipə qayıdırıq. Silahlı Qüvvələrimizin əsas vəzifəsi ölkəmizin sərhədlərini işğaldan qorumaqdır" – deyə, Tramp bildirib.
O əlavə edib ki, Silahlı Qüvvələrin missiyası başqa ölkələrin mədəniyyətlərini dəyişdirmək və ya silah gücü ilə dünya miqyasında demokratiya yaymaq deyil. Onun sözlərinə görə, ABŞ ordusunun məqsədi "istənilən düşməni üstələmək və Amerikanın təhlükəsizliyinə istənilən vaxt və istənilən yerdə yönəlmiş təhdidi aradan qaldırmaqdır".