ABŞ Prezidenti Donald Trampın İranla müharibənin iki-üç həftə ərzində başa çata biləcəyi barədə açıqlamalarından sonra Yaxın Şərqdə gərginliyin azalacağına dair ümidlər Asiya fond birjalarını hərəkətə gətirib. Aprel ayının ilk ticarət günündə regionun əsas indeksləri rekord artım nümayiş etdirib.

Birləşmiş Krallığın Dəniz Ticarət Əməliyyatları (UKMTO) agentliyi Qətər sahillərində ticarət gəmisinə qarşı hücumun baş verdiyini elan edib. Rəsmi məlumata görə, insident Qətərin paytaxtı Doha şəhərindən təxminən 17 dəniz mili (31,84 km) şimalda qeydə alınıb.

ABŞ Dövlət katibi Marko Rubio "Fox News" telekanalına verdiyi müsahibəsində NATO ilə bağlı sərt xəbərdarlıqlarını bir daha dilə gətirib. VOA xəbər verir ki, Dövlət katibi bəyan edib ki, İranla müharibə başa çatdıqdan sonra Birləşmiş Ştatlar Şimali Atlantika Alyansı (NATO) ilə münasibətlərini "yenidən nəzərdən keçirməli" olacaq.

Küveyt Beynəlxalq Hava Limanı İran və onun dəstəklədiyi qruplaşmalar tərəfindən həyata keçirilən pilotsuz uçuş aparatları (PUA) hücumuna məruz qalıb. Küveyt Mülki Aviasiya İdarəsinin məlumatına görə, PUA zərbələri birbaşa hava limanının strateji yanacaq çənlərini hədəf alıb.

Türkiyə Milli Kəşfiyyat Təşkilatının (MİT) rəhbəri İbrahim Kalın Ankara şəhərində HƏMAS Siyasi Bürosunun Danışıqlar Heyətinin rəhbəri Xəlil əl-Hayya və onu müşayiət edən nümayəndə heyəti ilə bir araya gəlib. Görüş zamanı Qəzzadakı son vəziyyət, İsrailin davam edən hücumları və bölgədəki kəskin humanitar böhranın aradan qaldırılması yolları diqqət mərkəzində olub.

BMT-nin İnsan Haqları üzrə Ali Komissarı İsrail parlamentinin təsdiqlədiyi yeni ölüm hökmü qanun layihəsini kəskin pisləyərək, bunun beynəlxalq hüquq öhdəliklərinə zidd olduğunu bəyan edib. Birləşmiş Millətlər Təşkilatının (BMT) İnsan Haqları üzrə Ali Komissarı Volker Türk İsrail Knessetinin işğal altındakı Fələstin ərazilərində "terrorizm" ittihamı ilə mühakimə olunanlara qarşı ölüm hökmünü nəzərdə tutan yeni qanun layihəsini "ayrı-seçkilik" adlandırıb. Ali Komissar xəbərdarlıq edib ki, bu qanunun işğal olunmuş ərazilərdə tətbiqi birbaşa müharibə cinayəti təşkil edəcək.

Dünya neftinin təxminən 20 faizinin daşındığı Hörmüz boğazındakı gərginlik qlobal iqtisadiyyat üçün ciddi təhdid yaratsa da, Türkiyə tətbiq etdiyi enerji strategiyası sayəsində bu risklərdən minimum səviyyədə təsirlənir.

Qətər əmiri Şeyx Təmim bin Həməd Al Sani ilə Birləşmiş Ərəb Əmirliklərinin prezidenti Şeyx Məhəmməd bin Zayed Al Nəhyan arasında görüş keçirilib. Məlumata görə, tərəflər regionda təhlükəsizlik və sabitliyin qorunması üçün birgə koordinasiyanın gücləndirilməsinin vacibliyini vurğulayıblar. Qətər əmiri qeyd edib ki, mövcud şəraitdə diplomatik həll yollarına üstünlük verilməsi və eskalasiyanın qarşısının alınması əsas prioritetdir.

Regionda eskalasiyanın qarşısının alınması üçün diplomatik çağırışlar artır. 10 Avropa dövləti İsraili Livanda hərbi əməliyyatların genişləndirilməsindən çəkinməyə çağırıb.

Səudiyyə Ərəbistanı və bir sıra ərəb və İslam ölkələri Qüdsdə ibadət azadlığına qoyulan məhdudiyyətləri kəskin şəkildə pisləyib. Səudiyyə Ərəbistanı, Misir, İordaniya, Pakistan, İndoneziya, Türkiyə, Qətər və Birləşmiş Ərəb Əmirliklərinin xarici işlər nazirləri İsrailin müsəlman və xristianların ibadət hüquqlarını məhdudlaşdırmasını qəti şəkildə rədd etdiklərini bəyan ediblər.

ABŞ Prezidenti Donald Tramp İranla bağlı münaqişənin uzun sürməyəcəyini bəyan edib. Tramp çıxışında ABŞ qüvvələrinin bölgədən ayrılmasından sonra Hörmüz boğazının avtomatik şəkildə yenidən açılacağını bildirib.

Türkiyə Prezident Administrasiyasının Dezinformasiya ilə Mübarizə Mərkəzi İncirlik hava bazası ilə bağlı yayılan iddiaların həqiqəti əks etdirmədiyini açıqlayıb. Açıqlamada ABŞ-a məxsus B-1B tipli bombardmançı təyyarələrin Adanadakı İncirlik bazasından istifadə etdiyi barədə məlumatların dezinformasiya xarakterli olduğu bildirilib.