BAKI,VOA,Yusif Şərifzadə
İsrailin Qəzza zolağında həyata keçirdiyi hərbi əməliyyatlar nəticəsində həlak olan fələstinlilərin sayı artmaqda davam edir.
VOA xəbər verir ki, Qəzza Səhiyyə Nazirliyinin məlumatına görə, 2023-cü ilin oktyabr ayından indiyədək bölgədə azı 73 066 nəfər həlak olub, 173 514 nəfər isə yaralanıb.
Nazirlik bildirib ki, ötən ilin oktyabr ayında qüvvəyə minmiş atəşkəsdən sonra da hücumlar davam edib. Bu dövrdə 1 053 nəfər həyatını itirib, 3 406 nəfər isə müxtəlif dərəcəli xəsarətlər alıb.
Qurumun açıqlamasına əsasən, son 24 saat ərzində İsrailin hücumları nəticəsində daha 8 nəfər həlak olub, 26 nəfər yaralanıb.
Qəzza Səhiyyə Nazirliyi bölgədə humanitar vəziyyətin ağır olaraq qaldığını və mülki əhali arasında itkilərin artmaqda davam etdiyini bildirib.