BAKI,AzerVoice
İsrail mediasının yaydığı məlumata görə, İsrail Hərbi Dəniz Qüvvələri Qəzzaya doğru hərəkət edən 41 gəmini ələ keçirib. AzerVoice xəbər verir ki, gəmilərdə 400-dən artıq şəxs olduğu bildirilir.
İsrail polisinin açıqlamasına görə, ordu tərəfindən 250-dən çox aktivist onlara təhvil verilib. Həmin şəxslər sorğu-sual edildikdən sonra həbsxana idarəsinə təhvil verilib.
Məlumatlara əsasən, əməliyyata müxtəlif hərbi hissələrdən yüzlərlə əsgər cəlb olunub. Xüsusi təyinatlı Şayetet 13 dəniz komando bölməsi isə eyni vaxtda 6 əsas gəmiyə nəzarəti ələ keçirib.
İsrail tərəfi bütün gəmilərin Aşdod limanına çəkildiyini, onların batırılmayacağını açıqlayıb.