Bakı. AzerVoice:

ABŞ prezident seçkilərində Respublikaçıların keçmiş namizədi Nikki Heyli Livanla şimal sərhədi yaxınlığında yerləşən İsrail hərbi obyektlərini gəzərkən mərminin üzərinə “Onları məhv edin” ifadəsini yazıb.

AzerVoice xəbər verir ki, bu məlumatı göstərən fotoşəkilləri knessetin üzvü və İsrailin Birləşmiş Millətlər Təşkilatındakı keçmiş səfiri Denni Danon “X” platformasında paylaşıb.

Fotoların birində Heylinin dizləri üstə artilleriya mərmisi üzərində qələmlə yazı yazdığı açıq şəkildə görünür.

"Onları məhv edin, dostum, keçmiş səfir Nikki Haley belə yazıb."-deyə Danon paylaşımında qeyd edib.

Qeyd edək ki, Heyli Donald Trampın dövründə ölkəsinin Birləşmiş Millətlər Təşkilatındakı səfiri olub və onun administrasiyasındakı “şahinlərdən” biri hesab olunurdu və onun səlahiyyət müddəti Danonenin İsraili Birləşmiş Millətlər Təşkilatında təmsil etməsi ilə üst-üstə düşürdü.

Məlumat üçün bildirək ki, İsrailin Qəzzaya qarşı müharibəsi Zolaqdakı Səhiyyə Nazirliyinin məlumatına görə, əksəriyyəti mülki şəxslər olmaqla ən azı 36 mindən çox insanın ölümünə səbəb olub.

Heylinin bu addımı sosial mediada izləyicilər və fəallar arasında qəzəb doğurub və onları Heylinin bu hərəkətini "Qəzzada soyqırımın davam etdirilməsi üçün açıq çağırış" kimi qiymətləndirib.

Fələstinşünas professor və Zeytouna Araşdırmalar və Siyasi Məsləhətlər Mərkəzinin baş direktoru Möhsün Saleh “X” saytında yazıb ki, Heylinin bu addımı “insani dəyərlərin olmamasını” ifadə edir.

Jurnalist Avad Əl-Fayad isə, “Heylinin bu addımı Rəfahdakı son Holokost və minlərlə mülki şəxsin öldürülməsindən sonra baş verib”-deyə bildirib.

Qəzzadan olan jurnalist yazıçı Məhəmməd Şahada hesab edir ki, Heylinin İsrail raketləri üzərində “Onları məhv edin” ifadəsini yazması daha çox fələstinli uşağın öldürülməsinə təşviq edir.