BAKI,VOA,Yusif Şərifzadə
Roma Amerika Universitetinin beynəlxalq münasibətlər və qlobal siyasət üzrə dosenti Andrea Dessi bildirib ki, ABŞ–İran danışıqları hələ də dəyişkən xarakter daşıyır və yaxın zamanda böyük irəliləyiş gözlənilmir.
VOA xəbər verir ki, Dessi həmçinin qeyd edib ki, tərəflər arasında hərəkətlilik müşahidə olunur və hər iki tərəf müəyyən mövqelərdə yumşalma nümayiş etdirir. Vaşinqtonun uzun illər “qırmızı xətt” saydığı məsələlərdə, o cümlədən ballistik raketlər və proksi qüvvələr məsələsində əvvəlki sərt mövqedən müəyyən uzaqlaşma görünür, problemləri ayrı-ayrılıqda müzakirə etmək cəhdi müşahidə olunur.
Analitik vurğulayıb ki, vəziyyət hələ tam təhlükəsiz mərhələyə keçməyib və diqqəti qoruyaraq arxa kanallar və vasitəçilər vasitəsilə danışıqların düzgün istiqamətdə davam etməsinə ümid etmək lazımdır.