BAKI, AzerVoice
Azərbaycanlı UFC döyüşçüsü Rafael "Ataman" Fiziev uzun fasilədən sonra yenidən UFC oktaqonuna qayıdır.
AzerVoice xəbər verir ki, bu barədə Fiziev özünün X sosial media hesabında məlumat verib
O, daha əvvəl döyüşdüyü Justin Gaethje-yə revanş qarşılaşması təklif edib. İlk görüşdə Gaethje hakimlərin ortaq qərarı ilə Fizievi məğlub etmişdi.
Gaethje-nin UFC 313-dəki rəqibi Dan Hooker-in zədə alması səbəbindən onların görüşü ləğv edilib.
"Arman və Charles başa düşülən səbəblərdən "yox" dedilər. Max və Dustin də eyni səbəbdən imtina etdilər. Moicano döyüş təklifini aldı, amma o da qəbul etmədi. Fizievə isə təşəkkürlər. O, dünyanın o biri başına uçub bu döyüşü qəbul etməyə razı oldu", – deyə Gaethje bildirib.
Gaethje, Fizievin təklifini qəbul edib və revanş qarşılaşması 8 martda baş tutacaq.
Bu barədə UFC-nin rəsmi X səhifəsində paylaşım edilib.
Had to run it back @Justin_Gaethje vs @RafaelFiziev is the new #UFC313 co-main event! pic.twitter.com/G0ZulhHRRg
— UFC (@ufc) February 27, 2025