Hazırda İsraildə saxlanılan 14 vətəndaşımızın sabah (7 oktyabr) İordaniya üzərindən ölkəmizə gələ bilmələri üçün işlərimiz davam edir. Türkiyə Xarici İşlər Nazirliyinin sözçüsü Öncü Keçeli, İsrail tərəfindən saxlanılan türk fəallarla bağlı açıqlama verib. Qeyd edək ki, İsrailin blokadasını yarmaq və Qəzzaya humanitar yardım çatdırmaq məqsədilə yola çıxan Əzm Flotiliyası, 1 oktyabr axşamı Qəzza sularına yaxınlaşıb. Flotilyaya hücum edən İsrail ordusu, onlarla qayığı və gəmini qanunsuz şəkildə ələ keçirərək yüzlərlə sərnişini saxlayıb.

Türkiyə Prezidenti Rəcəb Tayyib Ərdoğan İsrailin Baş naziri Benyamin Netanyahunun “Qüds bizim şəhərimizdir” bəyanatına cavab olaraq Türkiyənin bölgədəki tarixi mövqeyinə diqqət çəkib. Bu barədə Ərdoğan Beştepedə yerləşən “Şəhid Yaxınları, Qazi və Qazi Yaxınlarının Dövlət Qurumlarına Yerləşdirilməsi üzrə Qura Təməlqoyma Mərasimi”ndə çıxış edib

Türkiyə Prezidenti Rəcəb Tayyib Ərdoğan Qüdsün 2 milyardlıq İslam aləminin ortaq davası, yaddaşı və irsi olduğunu vurğulayıb. Ərdoğan bu barədə Ankarada Xarici İşlər Nazirliyinin yeni kompleksinin təməlqoyma mərasimində çıxışı zamanı bildirib.Ərdoğan beynəlxalq vəziyyətin getdikcə daha qeyri-sabit olduğunu, Türkiyənin isə sabitliyi qorumaq və sülhü təmin etmək üçün həm yumşaq, həm də sərt gücündən istifadə etdiyini vurğulayıb.

Türkiyə Böyük Millət Məclisinin (TBMM) Sədri Numan Kurtulmuş, İsrailin işğalçılıq və genişlənmə siyasətinə toxunaraq bildirib ki, son zamanlarda Cənubi Kiprdə müəyyən hərbi bazalara dəstək verilməsi və hərbi texnika və sursatların ora göndərilməsi Türkiyə tərəfindən diqqətlə və həssaslıqla izlənilir. Kurtulmuş bu fikirləri Türkiyənin Daxili İşlər Naziri Ali Yerlikaya, Şimali Kipr Türk Cümhuriyyətinin (ŞKTC) Daxili İşlər Naziri Dursun Oğuz və ŞKTC-dən gəlmiş yerli idarəetmə nümayəndələrin qəbulunda səsləndirib.

Türkiyənin xarici işlər naziri Hakan Fidan bəyan edib ki, Ankara İsrailin ekspansionist siyasətinə qarşı durmaq üçün onunla qonşu olan bütün ölkələrlə daimi təmasdadır. Fidanın sözlərinə görə, ABŞ-ın İsrailə xüsusi münasibəti Vaşinqtonun regiondakı mövqelərini zəiflədir və hətta onun tərəfdaşları arasında da narazılıq doğurur. Türkiyə XİN rəhbəri vurğulayıb ki, İsrailin ekspansiyasının iki əsas səbəbi var və onlardan biri , əraziləri genişləndirmək və “Böyük İsrail” qurmaq istəyi, digəri isə,bölgə ölkələrini zəif və parçalanmış vəziyyətdə saxlamaq niyyəti.

İsrail ordusunun istefada olan polkovniki Eran Lerman Türkiyə ilə mümkün qarşıdurma ssenarilərinə dair diqqətçəkən açıqlamalar verib. Lerman bildirib ki, İsrail ordusu NATO-nun ikinci ən böyük gücü olan Türkiyə ordusu ilə müharibəyə hazır deyil. “Biz belə böyük bir ordu ilə müharibəyə qətiyyən hazır deyilik. Ümid edirəm ki, heç vaxt bu həddə çatmarıq”-deyə o bildirib. Onun sözlərinə görə, İsrailin imkanları məhduddur, lakin ölkənin dəniz qüvvələri istedadlı və cəsurdur, havada isə üstünlüklərin mövcud olduğuna inanır. “Bütün bunlara baxmayaraq, Türkiyənin quru qoşunları çox böyükdür və biz onlarla birbaşa müharibəyə heç vaxt girməməliyik”- deyə o əlavə edib.

Fransa, Böyük Britaniya, Kanada, İspaniya və İtaliyanın da daxil olduğu dövlətlər İsrailin qərarını kəskin şəkildə pisləyib və onun dərhal ləğvini tələb edib. Avropa İttifaqının xarici siyasət rəhbəri Kaya Kallas da sənədə imza ataraq, bu addımın “Yaxın Şərqdə təhlükəsizlik və sabitliyə təhdid” olduğunu bildirib.

Türkiyənin liman rəhbərliyi və gəmiçilik agentlikləri yeni qaydalara əsasən İsrailə üz tutan və ya oradan gələn xarici gəmilərdən rəsmi sənədlər tələb edəcək. Bu sənədlərdə həmin gəmilərin hərbi yük daşımadığı və operatorlarının İsraillə əlaqəsinin olmadığı təsdiqlənməlidir. Mənbələrə görə, İsrail bayraqlı gəmilərin və İsraildə yerləşən agentliklərin Türkiyə limanlarında heç bir əməliyyat, o cümlədən konteyner daşımaları həyata keçirməsinə icazə verilməyəcək. Əks halda, bütün xərclər və hüquqi məsuliyyət gəmiçilik agentliklərinin üzərinə düşəcək.

Bu qərar, İsrailin ilk dəfə olaraq ələ keçirilmiş danışıqları açıq şəkildə yaydığı an idi.

Misir və Qətər verdikləri ortaq bəyanatda Vaşinqtonun elçisinin təklifinə əsaslanaraq atəşkəsə nail olmaq üçün tərəflər arasında danışıqları bərpa etməyə yönəlmiş intensiv səylərini davam etdirdiklərini bildiriblər.