Birləşmiş Millətlər Təşkilatının Təhlükəsizlik Şurasının (BMTTŞ) heyəti 14 ildən sonra ilk dəfə olaraq Suriyaya rəsmi səfər edib. Suriya Prezidenti Əhməd Əş-Şəraa, Təhlükəsizlik Şurasının üzvləri olan Çin, ABŞ, Rusiya, Böyük Britaniya və Fransanın da daxil olduğu 15 ölkənin nümayəndələrindən ibarət heyəti paytaxt Dəməşqdəki Xalq Sarayında qəbul edib. Təhlükəsizlik Şurasının heyəti 14 ildən sonra ilk dəfə kollektiv şəkildə Suriyaya səfər edərkən, Prezident Şəraaya səfər zamanı Xarici İşlər naziri Əsəd Həsən Şeybani və bəzi kabinet üzvləri də müşayiət edib.

Suriya Birləşmiş Millətlər Təşkilatındakı (BMT) Daimi Nümayəndəsi, səfir İbrahim Ulabi işğal altındakı Qolan Təpələrinin Suriya torpağı olduğunu və ölkəsinin buranın tamamını İsraildən geri almaq hüququna malik olduğunu açıqlayıb. Suriya dövlət televiziyası El-İhbariye-nin xəbərinə görə, Ulabi hər iki tərəfin təhlükəsizlik narahatlıqlarını aradan qaldırmaq məqsədilə Suriya və İsrail arasında aparılan danışıqların ABŞ Prezidenti Donald Trampın müşahidəsi altında keçdiyini bildirib.

Suriya Prezidenti Əhməd əş-Şəraa, ABŞ-ın Ankaradakı səfiri və Suriya üzrə Xüsusi Təmsilçisi Tom Barak ilə rəsmi görüş keçirib. Görüşdə Suriya Xarici İşlər Naziri Əsad Həsən Şeybani də iştirak edib. Rəsmi məlumatlara görə, tərəflər bölgədəki son siyasi və təhlükəsizlik vəziyyətini müzakirə ediblər. Görüş zamanı Suriya və ABŞ arasında diplomatik əlaqələrin inkişaf etdirilməsi, qarşılıqlı anlaşmanın gücləndirilməsi və regionda sabitliyin təmin olunması məsələləri diqqət mərkəzində olub.

Suriya 14 illik fasilədən sonra İspaniyanın Barselona şəhərində keçirilən “Aralıq dənizi üçün Birlik” 10-cu Regional Forumunda yenidən iştirak edib. Suriya Xarici İşlər Nazirliyinin yaydığı yazılı açıqlamada bildirilib ki, ölkə uzun fasilədən sonra tam üzvlüyünün bərpası ilə forum çərçivəsində keçirilən nazirlər toplantısına qatılıb. Nazirlik bu iştirakın Suriyanın regional dialoqdakı rolunun bərpası, həmçinin bölgədə genişmiqyaslı əməkdaşlığın gücləndirilməsi baxımından mühüm addım olduğunu vurğulayaraq, bununla bağlı məmnunluğunu ifadə edib.

İsrail ordusu, Suriyanın Kuneytra əyalətində, Sayda əl-Hanut kəndinin qərb hissəsində hərəkətlərini davam etdirib.

İsrail ordusunun Suriyanın cənubundakı Kuneytra bölgəsinə bağlı Beyt Cin kəndinə təşkil etdiyi basqında, ikisi uşaq, ikisi qadın olmaqla 13 nəfərin öldüyü, baş verən toqquşmada 3-ü ağır olmaqla 6 İsrail əsgərinin yaralandığı bildirilib. Suriya mətbuatının verdiyi məlumata görə, kənddə bəzi sakinləri zorla saxlamağa çalışan İsrail əsgərləri ilə baş verən toqquşma zamanı ölənlərin və yaralananların sayı artıb. Basqın zamanı İsrail ordusunun helikopterlərlə əməliyyata dəstək verdiyi və kəndin bəzi bölgələrinin top atəşinə tutulduğu qeyd edilib.

20 il əvvəl olduğu kimi, bu gün də çevrəmizdəki böhran və zülmlərə qarşı məsuliyyət götürür, asan yolu deyil, çətin olanı seçərək barış, ədalət və sabitlik üçün əlimizi daşın altına qoyuruqTürkiyə Prezidenti Rəcəb Tayyip Ərdoğan, Vatikan Dövlət Başçısı Papa 14. Leo ilə görüşdən sonra çıxış edərək, Türkiyənin bölgədə və dünyada barış, ədalət və insan hüquqları sahəsində aktiv rol oynadığını vurğulayıb.

Çin 2026-cı ilin əvvəlində Suriyanın paytaxtı Dəməşqdəki səfirliyini yenidən açacaq və Suriya xalqına yardım göstərəcək. Bu barədə Suriya Xarici İşlər Nazirliyinin Rusiya və Şərqi Avropa üzrə şöbə müavini məlumat verib. Salibi bildirib ki, səfər Suriyanın xarici siyasətində yeni dövrün başlanğıcını simvollaşdırır və ticarətin canlanması, diplomatik nümayəndəliklərin yenidən fəaliyyətə başlaması baxımından ümidvericidir.

İsrail Baş naziri Benyamin Netanyahu işğal altındakı Suriya torpaqlarına səfər edərək bölgədə yerləşdirilmiş İsrail əsgərləri ilə görüşüb. Səfərdə müdafiə və xarici işlər nazirləri, eləcə də İsrail ordusunun rəhbərliyi iştirak edib. Netanyahu Qolan Təpələri qarşısındakı şimal sərhədinin təhlükəsizliyinin gücləndirilməsinin prioritet olduğunu bildirib.

Suriya Xarici İşlər Naziri Əsad Həsən Şeybani bu gün İngiltərədə bir sıra rəsmi görüşlər keçirmək üçün Londraya yola düşüb. Suriya dövlət xəbər agentliyi SANA-nın məlumatına görə, Xarici İşlər Nazirliyinin Mətbuat Xidməti bildirib ki, Şeybani rəsmi görüşlərdə iştirak etmək məqsədilə İngiltərəyə gedir. Səfərin məqsədinin iki ölkə arasındakı münasibətləri müzakirə etmək və Suriyadakı son inkişafları qiymətləndirmək olduğu vurğulanıb.

ABŞ Prezidenti Donald Tramp və Suriya Prezidenti Əhməd Şara Vaşinqtonda görüş keçiriblər. Trend-in məlumatına görə, Ağ Evdən verilən açıqlamada iki liderin görüşünün yerli vaxtla saat 19:00-da başladığı və görüşün mətbuata qapalı şəkildə davam etdiyi bildirilib.

Suriya Prezidenti Əhməd Əş Şəraa bu gün ABŞ Prezidenti Donald Tramp ilə görüşəcək. Şəraa, indiyə qədər Ağ Evdə amerikalı prezident tərəfindən qəbul edilən ilk Suriya lideri olacaq. Suriya Prezidenti Əhməd Əş Şəraa bu gün ABŞ Prezidenti Donald Tramp ilə Ağ Evdə bir araya gələcək. ABŞ Prezidenti Donald Tramp tərəfindən qəbul ediləcək Şəraa, Ağ Evə gedən ilk Suriya Prezidenti olacaq. Çünki indiyə qədər heç bir ABŞ prezidenti Suriyadan olan bir dövlət başçısını Vaşinqtonda qəbul etməmişdi. Görüşdə Şəraaya Xarici İşlər Naziri Əsəd Şeybani də müşayiət edir.