İsrail ordusu Livanın cənubunda güclü partlayış törədib. Hadisə Ərnun və Kəfr Təbnit yaşayış məntəqələri arasındakı ərazidə baş verib. Partlayışın iki mərhələdə həyata keçirildiyi bildirilir. Onun səsi Livanın cənubundakı çoxsaylı yaşayış məntəqələrində eşidilib. Partlayışın konkret hansı hədəfə qarşı həyata keçirildiyi açıqlanmayıb. Ölən və yaralananların olub-olmadığı barədə məlumat yoxdur. Livanın cənubunda səhər saatlarından etibarən bir neçə İsrail hücumu qeydə alınıb. Ardıcıl hücumlar bölgədə gərginliyin davam etdiyini göstərir.