Yəmənin Husi qüvvələri Səudiyyə Ərəbistanının Nəcran şəhərində iki hədəfə hücum etdiklərini bildiriblər. Hücumların pilotsuz uçuş aparatları vasitəsilə həyata keçirildiyi açıqlanıb. Hədəflərdən birinin Nəcran hava limanındakı “həssas obyekt” olduğu bildirilir. İkinci hədəfin isə “Saudi Aramco” şirkətinə məxsus obyekt olduğu qeyd olunur. Husilərin hərbi sözçüsü Yəhya Səri hücumlarla bağlı açıqlama verib. Zərbələrin vurduğu mümkün ziyanın miqyası barədə məlumat yoxdur. Səudiyyə Ərəbistanı hücum iddialarını hələlik təsdiqləməyib. Hadisə Yəmənlə Səudiyyə Ərəbistanı arasında hərbi gərginliyin artdığı bir dövrdə baş verib.

Yəməndəki husilər Səudiyyə Ərəbistanının Nəcran şəhərində “Aramko” şirkətinə məxsus obyektə pilotsuz uçuş aparatı ilə hücum etdiklərini bildiriblər. Husilərə bağlı Səba xəbər agentliyinin yaydığı məlumata görə, hücum Səudiyyə hərbi təyyarələrinin Səda vilayətinin şimal-şərqində Yəmənin hava məkanına daxil olmasına cavab olaraq həyata keçirilib. Husilər bu addımı Yəmənin suverenliyinin pozulması kimi qiymətləndiriblər. Bununla belə, hücum nəticəsində “Aramko” obyektinin vurulub-vurulmadığı barədə dəqiq məlumat yoxdur. Səudiyyə Ərəbistanı hakimiyyəti və “Aramko” hadisəni hələlik təsdiqləməyib. Yeni hücum barədə məlumat Yəmənlə Səudiyyə Ərəbistanı arasında gərginliyin artdığı bir vaxtda yayılıb. Husilər son dövrdə Səudiyyə Ərəbistanının neft obyektlərinə qarşı bir neçə hücum həyata keçirdiklərini açıqlayıblar. Bu hücumların regionun enerji təhlükəsizliyinə və Yəmən-Səudiyyə Ərəbistanı münasibətlərinə təsiri diqqətlə izlənilir.

Birləşmiş Ərəb Əmirlikləri husilərin Səudiyyə Ərəbistanının Nəcran bölgəsinə hücumunu pisləyib. BƏƏ Xarici İşlər Nazirliyi hadisə ilə bağlı bəyanat yayıb. Nazirlik hücumu Səudiyyə Ərəbistanının suverenliyinin kobud şəkildə pozulması kimi qiymətləndirib. Hücumun krallığın təhlükəsizliyi və sabitliyi üçün təhdid yaratdığı vurğulanıb. BƏƏ Səudiyyə Ərəbistanı ilə həmrəy olduğunu bildirib. Əbu-Dabi krallığın təhlükəsizliyini qorumaq məqsədilə həyata keçirdiyi tədbirləri dəstəklədiyini açıqlayıb. Hücumun nəticələri barədə ətraflı məlumat verilməyib. Mümkün dağıntılar və xəsarət alanlarla bağlı da məlumat açıqlanmayıb.

Körfəz Əməkdaşlıq Şurası husilərin Səudiyyə Ərəbistanının Nəcran bölgəsinə hücumlarını qətiyyətlə pisləyib. KƏŞ-in baş katibi Casim Məhəmməd əl-Budeyvi hücumu beynəlxalq və humanitar hüququn pozulması olan terror aktı kimi qiymətləndirib. O, Səudiyyə Ərəbistanının təhlükəsizliyinin bütün Körfəz ölkələrinin təhlükəsizliyi ilə birbaşa əlaqəli olduğunu vurğulayıb. KƏŞ Ər-Riyadın sərhədlərini, suverenliyini və müstəqilliyini qorumaq üçün həyata keçirdiyi tədbirlərə tam dəstəyini açıqlayıb.

Qətər Xarici İşlər Nazirliyi husilərin Səudiyyə Ərəbistanının Nəcran bölgəsinə hücumunu pisləyib və krallıqla həmrəy olduğunu bəyan edib. Doha mülki şəxslərin hədəfə alınmasını qəbuledilməz adlandıraraq, Səudiyyə Ərəbistanının təhlükəsizlik və suverenliyini dəstəklədiyini bildirib. Bəyanatda regionda sabitliyin qorunmasının vacibliyi də vurğulanıb.

Ərəb Dövlətləri Liqasının baş katibi Nabil Fəhmi husilərin Səudiyyə Ərəbistanının Nəcran bölgəsinə və Yəmənin Mərib və Hədrəmaut vilayətlərində hökumət qüvvələrinə qarşı hücumlarını pisləyib. O bildirib ki, bu hücumlar regionun təhlükəsizliyi və sabitliyini təhdid edir, gərginliyin azaldılması imkanlarını zəiflədir. Ərəb Liqası Səudiyyə Ərəbistanı ilə həmrəy olduğunu bəyan edərək hücumların dayandırılmasına və siyasi dialoqa qayıdılmasına çağırıb.

Səudiyyə Ərəbistanının Nəcran şəhərindəki Raum dağı həm yerli həm də əcnəbi turistlər üçün ən gəzməli yerlərdən biridir. AzerVoice xəbər verir ki, bölgənin ən görkəmli turistik yerlərindən biri olan Raumun tarixi arxeoloji qalası da Krallığın və dünyanın hər yerindən ziyarətçiləri cəlb edir.