Türk Hava Yollarının İstanbul–Katmandu reysini həyata keçirən Airbus A330 tipli təyyarəsi enişdən sonra texniki nasazlıq səbəbindən təxliyə olunub. Təyyarə eniş etdikdən sonra şassi hissəsində tüstü müşahidə edilib. Nəzarət qülləsinin göstərişi ilə sərnişinlərin təhlükəsizliyi məqsədilə təyyarə ehtiyat tədbiri olaraq boşaldılıb.
#Türk Hava Yolları (THY)
2026-ci ilin mart ayında Türkiyənin Sabiha Gökçen Hava Limanına gələn sərnişinlərin sayı 2025-ci ilin eyni dövrü ilə müqayisədə 12 faiz artaraq, 11 milyon 577 min 775 nəfər olub. Nazirlikdən verilən məlumata görə, 2026-ci ilin mart ayında hava limanının daxili reyslər üzrə sərnişin daşıma 2025-ci ilin analoji dövrü ilə müqayisədə 16 faiz artaraq, 5 milyon 34 min 507 nəfər, beynəlxalq reyslər üzrə isə 9 faiz artaraq 6 milyon 543 min 268 nəfər təşkil edib.
2026-ci ilin mart ayında Türkiyənin İstanbul Hava Limanına gələn sərnişinlərin sayı 2025-ci ilin eyni dövrü ilə müqayisədə 6 faiz artaraq, 19 milyon 105 min 266 nəfər olub.
İstanbul-Barselona reysini həyata keçirən Türk Hava Yolları (THY) təyyarəsi bir sərnişinin internet şəbəkə adını bomba təhdidi ehtiva edəcək şəkildə dəyişməsi səbəbindən təcili eniş edib. THY-nin yaydığı rəsmi məlumata görə, TK1853 nömrəli uçuş Barselonaya yaxınlaşdığı vaxt sərnişinlərdən birinin mobil cihazında yaratdığı internet giriş nöqtəsinin (hotspot) adını təhlükəsizlik qaydalarına zidd şəkildə adlandırdığı müəyyən edilib. Uçuş təhlükəsizliyi protokolları dərhal işə salınıb və təyyarənin təhlükəsiz enişi təmin olunub.
Türk Hava Yolları (THY) İranda artan etirazlar və təhlükəsizlik riskləri fonunda İranın paytaxtı Tehrana planlaşdırılan bütün reysləri ləğv edib. Bununla yanaşı, müxtəlif İran aviadaşıyıcıları tərəfindən icra edilən daha beş reys də ləğv olunub. Hazırda yeddi reysin qrafik üzrə saxlanıldığı bildirilsə də, Tehranın beynəlxalq hava limanında vəziyyətin dinamik olduğu və qeyri-müəyyənlik davam etdiyi qeyd olunur.
İsrailin beynəlxalq sularda hücum edərək saxladığı Əzm Donanmasına aid qayıqlarda olan 18-i türk, ümumilikdə 94 fəal bu gün Türk Hava Yollarının (THY) xüsusi reysi ilə İstanbula gətirildi. Fəalların təxliyəsi üçün İordaniyadan havaya qalxan xüsusi THY təyyarəsi İstanbul Hava Limanına enib. Gəmidə olan fəallar VIP salonunda ailələri, rəsmi nümayəndələr və çox sayda vətəndaş tərəfindən qarşılanıb. Əzm Donanmasına aid texnikalarda yer alan 18 türk və 76 əcnəbi vətəndaşdan ibarət olan fəallar apronda çiçəklərlə qarşılanıb.
Türk Hava Yolları (THY) İraqın Süleymaniyə şəhərinə aviareyslərin yenidən başlayacağını rəsmən açıqlayıb. THY-nin İctimaiyyətlə Əlaqələr və Media rəhbəri Yahya Üstün, ABŞ mərkəzli “X” sosial media platformasında paylaşım edərək bildirib ki, THY dünyanın hər bir nöqtəsində Türkiyəni göylərdə qürurla təmsil edir.
2025-ci ilin sentyabr ayında Türkiyənin Sabiha Gökçen Hava Limanına gələn sərnişinlərin sayı 2024-cü ilin eyni dövrü ilə müqayisədə 15 faiz artaraq, 35 milyon 628 min 48 nəfər olub. Nazirlikdən verilən məlumata görə, 2025-ci ilin sentyabr ayında hava limanının daxili reyslər üzrə sərnişin daşıma 2024-cü ilin analoji dövrü ilə müqayisədə 7 faiz artaraq, 15 milyon 802 min 790 nəfər, beynəlxalq reyslər üzrə isə 22,4 faiz artaraq 19 milyon 825 min 258 nəfər təşkil edib.
Azərbaycan səfərindən qayıdarkən təyyarədə jurnalistlərin suallarını cavablandıran Türkiyə Prezidenti Rəcəb Tayyib Ərdoğan Qəzzədəki vəziyyət, Həmas və ABŞ Prezidenti Donald Trampla aparılan danışıqlar barədə ətraflı məlumat verib. Ərdoğan bildirib ki, Türkiyə illərdir Qəzzədə qan tökülməsinin dayandırılması və fələstinlilərin təhlükəsizliyinin təmin olunması üçün çalışır. “Fələstinlilər yaxşı bilirlər ki, Türkiyə onların maraqlarını qoruyur və müdafiə edir. Qəzzədə baş verən faciənin dayandırılması üçün daim səylər göstəririk. HƏMAS-la mütəmadi əlaqədəyik və Fələstinin gələcəyi üçün ən düzgün addımların hansı olmalı olduğunu izah edirik.”-deyə Ərdoğan bildirib.
Bugün baş verən hadisələrin xronoloji xülasəsini təqdim edirik
Bolat sosial media hesabında, “Tiflis marşrutu ilə Ankaranı 24 ölkənin 31 şəhəri ilə birləşdiririk. Oktyabrın sonunda Madrid və Barselonaya uçuşlar əlavə olunacaq, beləliklə, 25 ölkənin 33 şəhərinə çatacağıq,” - deyə bildirib. O, Brüssel, Milan və Roma uçuşları üzərində də işlədiklərini qeyd edib. Bolat, Ankaranı bölgənin yüksəliş mərkəzi kimi yerləşdirmək məqsədilə iş ortaqları və sənaye təşkilatları ilə əməkdaşlıq etdiklərini vurğulayıb. “Ankara üçün hava körpüsü yaratmaqla kifayətlənmirik, onu qlobal miqyasda tanıdacaq layihələrə start veririk,” deyən Bolat, Tbilisi, Madrid və Barselona uçuşlarının bu hədəfin mühüm addımları olduğunu bildirib.
Türk Hava Yollarının (THY) təyyarələri son 12 ayda 36 ölkədə 61 hava limanında aparılan 89 təhlükəsizlik yoxlamasından uğurla çıxıb. THY-nin baş direktoru Bilal Ekşi sosial media hesabında bildirib ki, SAFA proqramı çərçivəsində yoxlamalar zamanı 0,378 nisbətində “yoxluq göstəricisi” qeydə alınıb və bu, yüksək nəticə sayılır. Onun sözlərinə görə, sərnişinlərin rahat və təhlükəsiz uçuşu üçün bütün qaydalara ciddi şəkildə əməl olunur. Qeyd edək ki, SAFA (“Xarici təyyarələrin təhlükəsizliyinin qiymətləndirilməsi”) Avropa Birliyi ölkələrində tətbiq olunan proqramdır və beynəlxalq uçuş təhlükəsizliyi tələblərinə uyğunluğu yoxlamaq məqsədi daşıyır. Yoxlamalar təyyarələrin texniki vəziyyəti, kokpit və kabinə standartları, həmçinin sərnişinlərin təhlükəsizliyinin təmin olunması ilə bağlı tələbləri əhatə edir.