Səudiyyə Ərəbistanı bir il müddətində qüvvədə olan çoxdəfəlik Ümrə vizasını təqdim edib. Yeni viza zəvvarlara Krallığa bir neçə dəfə daxil olmaq və ümumilikdə 90 gün qalmaq imkanı verir. Viza Həcc mövsümündə istifadə edilə bilməz. Zəvvarlar hər səfər öncəsi “Nusuk” platforması üzərindən xidmət paketi almalıdırlar. Ümrə icazəsi də hər girişdən əvvəl elektron qaydada əldə edilməlidir. Ölkədən çıxışdan sonra viza müvəqqəti dayandırılır və sonradan yenidən aktivləşdirilir. Yeni tətbiq Ümrə səfərlərinin daha rahat təşkilinə imkan yaradacaq.