Əsl adı Məhəmməd Cəlaləddin olan böyük mütəfəkkir tarix boyunca "Xudavəndiyar", "Sultanul-Aşiqin" (aşiqlər sultanı) və "Sultanul-Muhibbin" (sevgililər sultanı) ləqəbləri ilə tanınmışdır. Ona "Sahibimiz" və ya "Ağa" mənasına gələn "Mövlana" ləqəbi gənc yaşlarında Konyada dərs deməyə başladığı zaman Şeyx Sədrəddin Konyəvi tərəfindən verilmişdir. "Rumi" ləqəbi isə Anadoluya (o vaxtlar "Diyari-Rum" adlanırdı) yerləşib orada yaşadığı üçün onun adına əlavə olunmuşdur.