Böyük Britaniya hakimiyyəti Kiprdən Mançesterə uçan sərnişin təyyarəsində digər sərnişinlər və ekipaj üzvləri tərəfindən zərərsizləşdirilərək bağlanan 35 yaşlı kişinin ölüm faktı ilə bağlı araşdırmaya başlayıb. Hadisə Larnaka–Mançester reysi zamanı baş verib. Məlumata görə, Kallum Kerr adlı sərnişin uçuş zamanı aqressiv davranış nümayiş etdirib, bir sərnişinə və təyyarə heyətinin üzvünə fiziki hücum edib. Bundan sonra bir neçə sərnişin və ekipaj üzvləri onu nəzarət altına alaraq bağlayıblar.