Meşə Baş Müdirliyi yanğınların tam nəzarət altına alınması üçün əməliyyatların davam etdiyini açıqlayıb. Geliboluda 9 təyyarə, 6 helikopter, 143 texnika və 391 nəfərlik canlı qüvvə ilə alova müdaxilə olunub. Kənd sakinlərinin dəstəyi ilə alovun qarşısı qismən alınıb, Pazarlı və İlqarderə kəndlərindən 126 nəfər təhlükəsizlik məqsədilə təxliyə edilib. Muğlanın Yatağan rayonunda baş verən yanğın havadan və qurudan müdaxilə ilə söndürülüb, soyutma işləri aparılır. Bursanın Orhangazi rayonunda yanğına 2 helikopter, PUA, 8 su maşını və 62 nəfərlik qüvvə cəlb olunub və ərazi nəzarətə götürülüb. İzmirin Menderes rayonunda isə kənd təsərrüfatı sahəsində başlayan yanğın meşəyə keçib, 8 təyyarə, 8 helikopter və 239 nəfərlik personalın səyi ilə nəzarət altına alınıb.

Çile məhəlləsində əkinçilik sahəsində hələ məlum olmayan səbəblərdən başlayan yanğın meşəlik əraziyə keçib. İzmir Meşə Regional Müdirliyi və müvafiq qurumlar yanğının qarşısını almaq üçün genişmiqyaslı əməliyyatlara başlayıb. Hazırda alovla mübarizə üçün 8 təyyarə, 9 helikopter, 25 su maşını, 26 su təchizatı maşını və 4 buldozer səfərbər edilib. Yanğınsöndürmə işləri həm havadan, həm də qurudan intensiv şəkildə davam etdirilir. Hazırda yanğının nəzarət altına alınıb-alınmadığı barədə dəqiq məlumat verilməyib.

Avqust ayındakı yanğınlarda İspaniyada 4 nəfər həyatını itirib. Qalisiya (Ourense, Pontevedra) və Kastiliya və Leon (Zamora, Leon) bölgələri alovların ən çox yayıldığı ərazilərdir. Son 10 gündə yalnız Ekstremadura bölgəsində 17 min hektara yaxın meşə və kənd təsərrüfatı sahəsi yanıb. Ölkə üzrə 2.500-dən çox insan, o cümlədən Leonda 1.523 nəfər evlərindən təxliyə edilib. Onlar hazırda idman zalları, sığınacaqlar və yaxınlarının evlərində yerləşdirilib. İlin əvvəlindən bəri İspaniyada 350 min hektardan çox ərazi məhv olub, bunun 330 min hektarı yalnız avqust ayına təsadüf edir. Yanğınlar səbəbindən doqquz yol bağlanıb, kənd təsərrüfatı və heyvandarlıq sektoru ciddi zərər görüb. La Razon qəzetinin məlumatına görə, yanğınların söndürülməsinə sərf olunan vəsaitin dəyəri 8 milyard avroya, iqtisadi ziyanın miqdarı isə 2 milyard avronu keçib.

Muğlanın Seydikemer mahalının Kabaağaç məhəlləsində, yaşayış massivlərinin yaxınlığında başlayan yanğın küləyin təsiri ilə sürətlə yayılıb. Hadisə yerinə Muğla Meşə Region Müdirliyinə aid təyyarələr və çoxsaylı yanğınsöndürmə qrupları cəlb olunub. Bingölün Gənc rayonunun Bahçebaşı kəndində isə səbəbi hələ müəyyən olunmamış yanğın otlaq sahəsində başlayaraq qısa müddətdə palıd ağacları və üzüm bağlarının olduğu meşəlik əraziyə keçib. Əraziyə Meşə Əməliyyat Müdirliyi, Gənc Bələdiyyəsi və jandarma qüvvələri sövq olunub. Hazırda hər iki bölgədə yanğını nəzarət altına almaq üçün işlər davam etdirilir.

Prezident Luis Arce Santa Cruz, Cochabamba və Noel Kempff Mercado bölgələrində baş verən yanğınlarla mübarizə məqsədilə Nazirlər Şurasının qərarı ilə ölkədə fövqəladə hal tətbiq edildiyini açıqlayıb. Prezident Arce yanğınların daha da genişlənə biləcəyini qeyd edərək, beynəlxalq həmrəylik və yardımların sürətlə çatdırılması üçün tədbirlər görüldüyünü bildirib. Mülki Müdafiə Nazirinin müavini Xuan Karlos Kalvimontes isə yanğınsöndürən və hərbi qrupların biomüxtəlifliyi qorumaq üçün intensiv çalışdığını qeyd edib.

Hadisə günorta saatlarında Yatağanın Gökbel məhəlləsində qırmızı şam ağacları ilə örtülmüş meşəlik ərazidə baş verib. Sakinlərin tüstünü görərək məlumat verməsindən sonra Muğla Meşə Region Müdirliyinin yanğınsöndürən qrupları əraziyə cəlb olunub. Təcili müdaxilə nəticəsində yanğın təxminən bir saat ərzində nəzarət altına alınıb. İlkin hesablamalara görə, 1 hektar meşə sahəsi ziyan görüb. Qeyd edək ki, Muğla Türkiyədə meşə yanğınlarının tez-tez qeydə alındığı bölgələrdən biridir.

Hakkarinin Yüksekova rayonunun Dağlıca kəndi yaxınlığında, qadağan olunmuş ərazidə başlayan meşə yanğını iki gündür alovlanır. Alovun səbəbi hələ müəyyən edilməyib. Yanğın Dağlıca, Dilekli və Dibecik kəndləri arasında yerləşən meşəlik ərazidə güclü küləyin təsiri ilə sürətlə yayılıb. Söndürmə işlərinə yanğınsöndürən briqadalarla yanaşı hərbi helikopterlər də cəlb olunub. Qeyd edək ki, bölgədə havanın küləkli keçməsi yanğınsöndürmə işlərini çətinləşdirir.

Portuqaliya avqust ayının əvvəlindən bəri tarixinin ən dağıdıcı meşə yanğınları ilə üz-üzədir. Avropa Meşə Yanğınları Məlumat Sisteminin (EFFIS) açıqlamasına görə, bu il ölkədə 216 min hektardan çox ərazi yanıb. Onun böyük hissəsi yalnız avqust ayında baş verən yanğınların nəticəsidir.

, Pireney yarımadasındakı iki ölkədə avqustun əvvəllərindən bəri 560 min hektardan çox meşə yanıb. EFFIS məlumatlarına görə, İspaniyada 344 min hektar, Portuqaliyada isə 216 min hektar ərazi yanıb. İspaniyada yanğınlar xüsusilə Qalisiya, Kastiliya və Leon, Asturiya, Ekstremadura və Madrid ətrafında qeydə alınıb. Ourense bölgəsində yanğınsöndürmə zamanı dörd yanğınsöndürən yaralanıb, 8000-dən çox insan isə təhlükəsizlik üçün evlərini tərk edib. Şimal bölgələrdə 15 əsas yol müvəqqəti bağlanıb.

Yanğın günorta saatlarında Yalınca kəndi yaxınlığındakı meşə sahəsində başlayıb. Hadisə ilə bağlı kənd sakinləri 112 Təcili Zəng Mərkəzinə məlumat veriblər. Əraziyə cəlb edilən yanğınsöndürənlər dərhal alovla mübarizəyə başlayıblar. Fermerlər də təhlükə səbəbindən mal-qaranı tövlələrdən çıxararaq təhlükəsiz ərazilərə aparıblar. Yanğınsöndürənlər hazırda alovun geniş əraziyə yayılmasının qarşısını almaq üçün işlərini davam etdirirlər.

Qalisiya əyalətinin Ourense bölgəsində baş verən yanğınların söndürülməsi üçün İspaniya Hərbi Fövqəladə Hallar Birliyinin (UME) qrupları Larouko şəhəri ətrafında geniş əraziyə yayılan alovun qarşısını almağa çalışır. ​Ayın əvvəlindən Qalisiyada 60 min hektardan çox, il ərzində isə ölkə üzrə təxminən 120 min hektar meşə yanaraq zərər görüb. Qeyd edək ki, bu il İspaniyada təxminən 36 min hektar meşə sahəsi yanıb. Ekoloji Keçid və Demoqrafik Mübarizə Nazirliyinin məlumatına görə, 2025-ci ildə ölkədə 500 hektardan çox ərazini yandıran iri yanğınların sayı son 10 ilin orta göstəricisini keçərək 15-ə çatıb.

Kənd Təsərrüfatı və Meşə Naziri İbrahim Yumaklı, meşə qəhrəmanlarının fədakar səyləri sayəsində yanğının tamamilə nəzarət altına alındığını açıqlayıb. Nazir sosial media hesabında bildirib ki, meşələrimizi qorumaq vətəni qorumaqla eyni əhəmiyyətə malikdir və vətəndaşlardan yaşıl vətənin qorunmasında həssaslıq göstərmələri gözlənilir. Qeyd edək ki, Türkiyə Kənd Təsərrüfatı və Meşəçilik Nazirliyinin tabeliyində fəaliyyət göstərən Meşə Baş İdarəsi (OGM) bu il ərzində 5 mindən çox meşə yanğını ilə mübarizə aparıldığını açıqlayıb.