Azərbaycanın Baş naziri Əli Əsədovun rəhbərliyi ilə keçirilən İqtisadi Şuranın növbəti iclasında ölkədə turizm sektorunun mövcud vəziyyəti, inkişaf perspektivləri və turizm bazarının genişləndirilməsi məsələləri geniş müzakirə olunub. İclasda Dövlət Turizm Agentliyinin sədri Fuad Nağıyev təqdimatla çıxış edib, iştirakçılar isə sahənin inkişafı üçün prioritet istiqamətlər və cari iqtisadi məsələlər ətrafında fikir mübadiləsi aparıblar. Müzakirələrin yekununda turizmin inkişafı ilə bağlı bir sıra qərarlar qəbul olunub və aidiyyəti qurumlara müvafiq tapşırıqlar verilib.