ABŞ-ın Dövlət katibi Marko Rubio İranın ballistik raket proqramı və regional təhlükəsizliyə təhdidləri ilə bağlı mühüm bəyanatlar verib. Karib dənizi ölkəsi olan Sent-Kits və Nevisə səfəri zamanı ABŞ mətbuatına açıqlama verən Rubio, Tehranın ballistik raketlər mövzusunda müzakirələrdən yayınmasını "böyük problem" kimi xarakterizə edib.

ABŞ-ın dövlət katibi Marko Rubio bildirib ki, danışıqların harada keçiriləcəyinin dəqiqləşdirilməsi üzərində iş aparılır və mümkün razılaşmanın real nəticə verməsi üçün balistik raket məsələsi də müzakirə predmeti olmalıdır. Marko Rubio İranla diplomatik prosesin həssas mərhələyə daxil olduğunu vurğulayaraq, yaxın vaxtlarda keçirilməsi gözlənilən görüşlərin texniki və logistik tərəflərinin hələ dəqiqləşdirildiyini bildirib. Onun sözlərinə görə, Vaşinqton danışıqların keçiriləcəyi məkanla bağlı müxtəlif variantları nəzərdən keçirir.