Mədəniyyət naziri Adil Kərimli Azərbaycan Yazıçılar Birliyinin sədri Anarla görüşüb. Görüşdə ölkədə ədəbi prosesin inkişafı və müasir Azərbaycan ədəbiyyatının dəstəklənməsi müzakirə olunub. Tərəflər kitabxana işinin təkmilləşdirilməsi və mütaliə mədəniyyətinin təşviqi məsələlərinə toxunublar. Gənc yazarların yaradıcılıq imkanlarının genişləndirilməsi də əsas müzakirə mövzularından olub. Həmçinin dövlət sifarişli filmlər üçün ədəbi əsərlərin seçilməsi və ssenarilərin hazırlanması barədə fikir mübadiləsi aparılıb. Görkəmli ədiblərin həyat və yaradıcılığına həsr olunan filmlərin çəkilməsi məsələsi də gündəmdə olub. Tərəflər əməkdaşlığın milli ədəbiyyatın inkişafına töhfə verəcəyini bildiriblər.

bp böyük məmnuniyyətlə Azərbaycan ədəbiyyatının görkəmli nümayəndəsi, Xalq yazıçısı, dramaturq və tanınmış ictimai xadim Maqsud İbrahimbəyovun anadan olmasının 90 illiyi münasibətilə keçirilən “Neft bumu hamıya gülümsəyir” adlı mədəniyyət festivalına sponsorluq edir. Həm Azərbaycan, həm də dünya ədəbiyyatının, eləcə də teatr və kino sənətinin ən nüfuzlu simalarından biri kimi tanınan, 30-dan çox filmin yaradılmasında iştirak etmiş Maqsud İbrahimbəyovun əsərləri 36 dilə tərcümə edilib. Onun yaradıcılığı - xüsusən də neft bumunun sosial-bəşəri dəyərlərə təsirini əks etdirən əsərləri uzun illərdir müxtəlif nəsillərin mədəni və ictimai düşüncəsinin formalaşmasına təsir göstərir. Bu isə festivalın mövzusunu daha da aktuallaşdırır.