Səddam Hüseyn 28 aprel 1937-ci ildə İraqın Tikrit şəhəri yaxınlığındakı Əl-Auca kəndində anadan olub. Bəzi mənbələr onun doğum tarixini 1 iyul 1939-cu il kimi göstərir. Atası Səddam doğulmazdan əvvəl vəfat etmiş, anası Sabha Tulfah ona "Səddam" (ərəbcədə "müqavimət göstərən") adını vermişdir. Səddamı əmisi Xeyrallah Tulfah böyütmüşdür. Xeyrallah İraq ordusunda zabit olmuş, 1941-ci ildə İngiltərə-İraq müharibəsində iştirak etmiş və sonradan 5 il həbs cəzası almışdır.

İraqın keçmiş prezidenti Səddam Hüseyn 2003-cü il dekabrın 13-də, doqquz ay davam edən axtarışdan sonra ABŞ hərbçiləri tərəfindən ələ keçirildi. Onun hakimiyyətinin süqutu 2003-cü il martın 20-də ABŞ-ın rəhbərlik etdiyi koalisiya qüvvələrinin İraqa müdaxiləsi ilə başlamışdı. Bu müdaxilə ölkəni 20 ildən artıq idarə etmiş prezdentin devrilməsi ilə nəticələndi.

İranla uzunmüddətli sərhəd mübahisələri və ölkədəki siyasi qarışıqlıq fonunda İraq prezidenti Səddam Hüseyn 1980-ci ildə İranın neftlə zəngin Xuzistan vilayətinə hücuma başladı. Müharibə sonrakı onillikdə Yaxın Şərqin ən qanlı qarşıdurmalarından birinə çevrildi.