Səudiyyə Ərəbistanı rəsmiləri ötən bir həftə ərzində yaşayış, iş və sərhəd təhlükəsizliyi qaydalarını pozan 14 855 qanunsuz sakini ölkədən deportasiya ediblər. Bu tədbirlər Krallığın bütün bölgələrində qanunsuz miqrasiya ilə mübarizə məqsədilə həyata keçirilən təhlükəsizlik kampaniyalarının tərkib hissəsidir.

Səudiyyə Ərəbistanı Pakistanın maliyyə sabitliyini dəstəkləmək üçün yeni qərar qəbul edib. Məlumata əsasən, bu vəsait Birləşmiş Ərəb Əmirliklərinə olan böyük həcmli borc ödənişləri fonunda Pakistanın maliyyə yükünü azaltmağa yönəlib. Qeyd olunub ki, Səudiyyə Ərəbistanı eyni zamanda Pakistan Mərkəzi Bankında yerləşdirilmiş 5 milyard dollarlıq depozitin müddətini də uzadıb.

Səudiyyə Ərəbistanı hökuməti regionda təhlükəsizlik və sabitliyə yönələn təhdidlərə qarşı mövqeyini bir daha açıqlayıb. Qeyd olunub ki, hökumət İraq ərazisindən buraxılan pilotsuz uçuş aparatları ilə Səudiyyə Ərəbistanı və Körfəz Əməkdaşlıq Şurası ölkələrinə qarşı həyata keçirilən hücumları sərt şəkildə pisləyib və İraq hökumətini bu təhdidlərin qarşısını almaqda məsuliyyət daşımağa çağırıb.

Körfəz Əməkdaşlıq Şurasının (KƏŞ) Baş katibi Casem Albudaiwi bazar ertəsi günü Riyadda Ukraynanın Səudiyyə Ərəbistanındakı səfiri Anatoli Petrenko ilə görüşüb. Görüş zamanı tərəflər arasında 2025-2030-cu illəri əhatə edən Birgə Fəaliyyət Planı əsasında KƏŞ və Ukrayna arasında qarşılıqlı maraq doğuran sahələrdə əməkdaşlıq əlaqələri və bu əlaqələrin gücləndirilməsi yolları müzakirə edilib.

Səudiyyə Ərəbistanı və İran xarici işlər nazirləri arasında telefon danışığı baş tutub. Məlumata əsasən, tərəflər İran ilə ABŞ arasında aparılan sülh danışıqlarından sonra yaranmış son vəziyyət ətrafında fikir mübadiləsi aparıblar. Bildirilib ki, telefon danışığı zamanı regionda sabitliyin qorunması və diplomatik proseslərin davam etdirilməsinin əhəmiyyəti vurğulanıb

Səudiyyə Ərəbistanının xarici işlər naziri Şahzadə Feysəl bin Fərhan bin Abdullah çərşənbə akşmı günü Ər-Riyadda avstriyalı həmkarı Beate Maynl-Rayzingeri qəbul edib. Görüşdə tərəflər ölkələri arasındakı münasibətləri nəzərdən keçirib, regiondakı son hadisələri, habelə bu hadisələrin təhlükəsizlik və sabitlik üçün yaratdığı ciddi fəsadları müzakirə ediblər.

VOA xəbər verir ki,müdafiə Nazirliyinin rəsmi bəyanatında qeyd olunur ki, Riyadın yaşayış məntəqələrini hədəf alan raket havada zərərsizləşdirilib. Digər bir raketin isə boş əraziyə (insan yaşamayan bölgəyə) düşdüyü bildirilir. Hadisə nəticəsində hər hansı maddi ziyan və ya tələfat qeydə alınmayıb.

Türkiyənin xarici işlər naziri Hakan Fidan bu gün Səudiyyə Ərəbistanının ev sahibliyi ilə Ər-Riyadda keçiriləcək mühüm məşvərətçi iclasda iştirak edəcək. Xarici İşlər Nazirliyindən verilən yazılı açıqlamaya görə, 18 mart 2026-cı il tarixində baş tutacaq bu görüşdə ərəb və islam ölkələrinin xarici işlər nazirləri regionda son dövrlər artan gərginliyi və təhlükəsizlik məsələlərini müzakirə edəcəklər.

Səudiyyə Ərəbistanının xarici işlər naziri şahzadə Feysəl bin Fərhan bin Abdullah cümə axşamı günü paytaxt Ər-Riyadda Böyük Britaniyanın xarici işlər, birlik və inkişaf məsələləri üzrə dövlət katibi İvet Kuperi qəbul edib. Nazirliyin mənzil-qərargahında baş tutan görüşdə iki ölkə arasındakı strateji münasibətlər və ikitərəfli əməkdaşlıq sahələri ətraflı nəzərdən keçirilib. Tərəflər Yaxın Şərqdəki son hadisələri, habelə bu problemlərin həlli istiqamətində göstərilən birgə səyləri müzakirə ediblər.

Səudiyyə Ərəbistanının hava hücumundan müdafiə qüvvələri cümə günü gecə saatlarında ölkənin mərkəzi və şərq bölgələrini, o cümlədən paytaxt Riyaddakı Diplomatik Məhəlləni və strateji əhəmiyyətli Şeybah neft yatağını hədəf alan pilotsuz uçuş aparatlarını (PUA) zərərsizləşdirib. Müdafiə Nazirliyinin rəsmi "X" platformasında verdiyi məlumata görə, Riyadın diplomatik korpusunun yerləşdiyi zonaya yaxınlaşmağa cəhd edən bir PUA vurulub, daha iki pilotsuz aparat isə Əl-Xarc bölgəsində aşkar edilərək məhv edilib.

Səudiyyə Ərəbistanı Müdafiə Nazirliyinin sözçüsü general-mayor Turki əl-Maliki cümə axşamı verdiyi bəyanatda ölkənin hava hücumundan müdafiə sistemlərinin bir neçə düşmən pilotsuz uçuş aparatını (PUA) zərərsizləşdirdiyini açıqlayıb. Məlumata görə, Riyadın strateji əhəmiyyətli Diplomatik Məhəlləsinə (Diplomatic Quarter) yaxınlaşmağa cəhd edən bir PUA paytaxtın hava məkanında vurulub. Eyni zamanda, ölkənin cənub-şərqindəki Rub-əl-Xali (Boş məhəllə) səhrası üzərində Şeybah neft yatağını hədəf alan daha iki PUA aşkar edilərək məhv edilib.

Səudiyyə Ərəbistanının vəliəhdi və Baş naziri şahzadə Məhəmməd bin Salman bin Əbdüləziz çərşənbə günü ABŞ-ın keçmiş dövlət katibi Hillari Klintonu qəbul edib. Hillari Klinton 26-28 yanvar tarixləri arasında Riyadda keçirilən 5-ci "Gələcəyin Daşınmaz Əmlakı" forumunda əsas məruzəçi kimi iştirak edib. "Genişlənən üfüqlər və çiçəklənən daşınmaz əmlak" şüarı altında keçirilən forum böyük yerli və qlobal auditoriyanın marağına səbəb olub