"Tesla" robotaksi xidmətini Mayami şəhərində istifadəyə verib. Şirkət bununla avtonom sərnişindaşıma fəaliyyətini genişləndirir. Robotaksi xidməti daha əvvəl Texas ştatının Ostin şəhərində istifadəyə verilmişdi. "Tesla" yaxın vaxtlarda Dallas və Hyustona da genişlənməyi planlaşdırır. Robotaksi bazarında "Waymo" və "Zoox" kimi şirkətlərlə rəqabət güclənir. İlon Mask bu ilin sonuna qədər tam avtonom avtomobillərin daha geniş yayılacağını gözlədiyini bildirib. Şirkət ikinci rübdə avtomobil tədarükü üzrə də bazar proqnozlarını üstələyib.

ABŞ ilə Venesuela arasında uzun fasilədən sonra birbaşa hava əlaqəsi yenidən qurulub. Bildirilib ki, bu müddət ərzində sərnişinlər yalnız üçüncü ölkələr üzərindən Venesuelaya səyahət edə bilirdilər. Yeni reysin açılması isə həm diaspor üzvləri, həm də biznes dairələri üçün əlavə imkanlar yaradır.

ABŞ, Qətər, Misir və Türkiyə Qəzzada atəşkəsin tərəflərini öhdəliklərinə əməl etməyə və təmkin nümayiş etdirməyə çağırıblar. Bu barədə ABŞ-ın xüsusi nümayəndəsi Stiv Uitkoff Mayamidə aparılan danışıqlardan sonra məlumat verib. ABŞ Prezidenti Donald Trampın xüsusi nümayəndəsi olan Uitkoffla adıçəkilən ölkələrin rəsmiləri 10 oktyabrda qüvvəyə minmiş atəşkəsin birinci mərhələsini nəzərdən keçirmək üçün görüşüblər.