Noyabrın 21-də Yasamal rayonunun M.Seyidov küçəsi ərazisində yerləşən yaşayış binasında baş verən yanğın hadisəsi səbəbilə Kliniki Tibbi Mərkəzin Toksikologiya şöbəsində müalicə alan şəxslərdən daha 2 nəfər ambulator müalicə üçün evə buraxılıb.

Yasamal rayonunun Mirəli Seyidov küçəsində yerləşən çoxmərtəbəli yaşayış binasında baş verən yanğın faciə ilə nəticələnib. Hadisə zamanı həlak olan şəxsin kimliyi müəyyən edilib. Ölən şəxs binanın Mənzil Mülkiyyətçilərinin Müştərək Cəmiyyətinin (MMMC) sədri Samir Məhəmmədov olub. Bina sakinlərin sözlərinə görə, Məhəmmədov uzun müddət bina sakinləri tərəfindən tanınan və binada yaşayan bir şəxs kimi xatırlanır.

Hazırda 7 nəfərin (5-i qadın, 2-si kişi) müalicəsi Toksikologiya şöbəsində davam etdirilir. Onlardan 6 nəfərin vəziyyəti orta ağır, 1 nəfər azyaşlının vəziyyəti isə ağır olaraq qiymətləndirilir.