Madagaskarda hərbi çevrilişin ardından hakimiyyəti ələ alan Albay Maykl Randrianirina, cümə günü ölkənin keçid dövrü prezidenti kimi and içəcək. Yerli mediada yayılan məlumatlara görə, Randrianirina, Yüksək Konstitusiya Məhkəməsində keçiriləcək mərasimdə and içərək vəzifəsinin icrasına başlayacaq. Bu mərasim ordunun elan etdiyi müvəqqəti konstitusiya bəyannaməsində qeyd olunan “yenidənqurma prosesinin” başlanğıcını ifadə edir.

Madagaskarda dərinləşən iqtisadi böhran, uzunmüddətli su və elektrik kəsintiləri paytaxt Antananarivoda hökumət əleyhinə Z nəsli (Gen-Z) etirazlarının başlamasına səbəb olub. Artan təzyiqlər və təhlükəsizlik narahatlıqları fonunda prezident Racuelinanın ölkədən qaçmağı planlaşdırdığı bildirilir. İddialara görə, o, Fransa ordusuna məxsus hərbi təyyarə ilə gizlicə Madagaskarı tərk edib.