Avstraliya AUKUS sazişi çərçivəsində əldə edəcəyi nüvə sualtı qayıqları üçün infrastrukturun modernləşdirilməsinə böyük sərmayə ayıracaq. Bu barədə Avstraliyanın müdafiə naziri Riçard Marlz məlumat verib. Onun sözlərinə görə, hökumət 12 milyard Avstraliya dolları (təxminən 8 milyard ABŞ dolları) xərcləyərək gəmiqayırma və texniki xidmət müəssisələrini yeniləyəcək. Bu sərmayə on il ərzində qərbi Avstraliyanın Pert şəhərində yerləşən gəmiqayırma və təmir mərkəzinə yönəldiləcək.