BMT-nin Ekonomik və Sosial İşlər Departamentinin “2025 Dünya Şəhərləşmə Gözləntiləri” hesabatına görə, İndoneziyanın paytaxtı Cakarta 42 milyon əhalisi ilə Tokionu geridə qoyaraq dünyanın ən çox əhalisi olan şəhərinə çevrilib. Siyahıda Banqladeşin paytaxtı Dəkkə 37 milyonla ikinci, Tokio isə 33 milyonla üçüncü yerdə qərarlaşıb. Hesabatda bildirilir ki, 1950-ci ildə dünya əhalisinin yalnız 20 faizi şəhərlərdə yaşayırdısa, bu gün bu göstərici 50 faizə yüksəlib. 2050-yə qədər əhali artımının üçdə ikisinin şəhərlərdə baş verəcəyi proqnozlaşdırılır.

İndoneziyanın ikinci ən böyük adası olan Sulavesidə 5,8 bal gücündə zəlzələ qeydə alınıb. Yeraltı təkanların episentri paytaxt Cakartadan təxminən 2 min kilometr uzaqlıqda, Poso şəhərinin 12 kilometr şimal-qərbində olub. Bu barədə ABŞ Geoloji Xidməti məlumat yayıb.