İran Prezidenti Məsud Pezeşkian Avrasiya İqtisadi İttifaqının Ali Şurasının iclasına göndərdiyi mesajda İranla ittifaqa üzv ölkələr arasında əməkdaşlığın strateji və uzunmüddətli xarakter daşıdığını vurğulayıb. Prezident bildirib ki, bu əməkdaşlıq milli suverenliyin möhkəmləndirilməsi, ticarət və nəqliyyat əlaqələrinin asanlaşdırılması, enerji təhlükəsizliyinin gücləndirilməsi, yeni texnologiyaların inkişafı və maliyyə-bank infrastrukturunun formalaşdırılması baxımından mühüm əhəmiyyət kəsb edir.

İran xarici işlər naziri Abbas Əraqçi ilə Oman xarici işlər naziri Bədr bin Həməd Əl-Busaidi BMT Baş Assambleyasının 80-ci sessiyası çərçivəsində Nyu-Yorkda görüş keçiriblər. Əsas mövzulardan biri Qəzzadakı müharibə olub. Əraqçi İsrailin bölgədə həyata keçirdiyi “soyqırımın” dayandırılmasının və İsrail rəsmilərinin ədalət qarşısında cavab verməsinin zəruriliyini vurğulayıb.

İranın xarici işlər naziri Abbas Əraqçi BMT Təhlükəsizlik Şurasını diplomatiyaya üstünlük verməyə və qarşıdurmadan çəkinməyə çağırıb. Nazir bildirib ki, 2015-ci il nüvə anlaşmasında iştirak edən üç Avropa tərəfinə “lazımsız və qarşısı alına biləcək böhranın” yaranmaması üçün məntiqli və həyata keçirilə bilən plan təqdim edib.

İran Xarici İşlər Nazirliyi ABŞ, Fransa və digər Qərb ölkələrinin İrana qarşı irəli sürdüyü son ittihamları kəskin şəkildə rədd edib.

İran Xarici İşlər Nazirliyinin sözçüsü İsmayıl Bəqai ABŞ-ın enerji və neft sektoruna qarşı tətbiq etdiyi yeni sanksiyalar paketini qəti şəkildə pisləyib.

İran rəsmiləri ilə “Avropa üçlüyü” (Böyük Britaniya, Almaniya və Fransa) arasında Tehranın nüvə proqramı ətrafındakı vəziyyətin nizamlanması ilə bağlı danışıqlar gələn həftə keçirilə bilər.