Hazırlıqlar çərçivəsində Formula 1 Azərbaycan Qran-Prisi 2026 üçün paddokun yenidən qurulmasına start verilib. Paddok ənənəvi olaraq Neftçilər prospektində, Hökumət Evinin qarşısında quraşdırılır. Bakı Şəhər Halqası Əməliyyat Şirkəti piyadaları və sürücüləri diqqətli olmağa çağırıb, şəhər sakinlərinə göstərdikləri anlayışa görə təşəkkür edib.

Formula 1 Qatar Airways Azərbaycan Qran Prisi 2025 ABŞ-da bu mərhələnin televiziya yayımları tarixində ən populyar yarış olub. Formula-1-in yayım hüquqlarına uzunmüddətli sahib olan ABŞ telekanalı ESPN rekord tamaşaçı marağı qeydə alıb.