Əfqanıstan rəhbərliyi bildirib ki, Türkiyə və Qətərin vasitəçiliyi ilə İstanbulda keçirilən görüşlərdə həll olunmamış məsələləri müzakirə etmək üçün Pakistanla yenidən bir araya gəlmək barədə razılığa gəlinib. Əfqanıstan rəhbərliyinin sözçüsü Zabihullah Mücahid ABŞ-ın X sosial media platformasında paylaşım edərək, 25-30 oktyabr tarixlərində ölkəsi ilə Pakistan arasında İstanbulda keçirilən görüşləri qiymətləndirib.

Türkiyə Prezidenti Rəcəb Tayyib Ərdoğan, Ankarada rəsmi səfərdə olan Almaniya kansleri Fridrix Merslə keçirilən birgə mətbuat konfransında Qəzza məsələsini müzakirə edib. Kanslerin “İsrail özünü müdafiə etdi” ifadəsinə açıq şəkildə etiraz edən Ərdoğan: “60 mindən çox uşaq, qadın və yaşlı həyatını itirib. HƏMAS-ın bombası, nüvə silahı yoxdur. Amma bütün bu silahlar İsrailin əlində var və istifadə edir. Qəzzə gecə-gündüz bombardman olunur. Bunları Almaniya görmürmü?”-deyib.

Türkiyənin Prezidenti Rəcəb Tayyib Ərdoğan, DEM Partiyasının İmralı heyəti ilə Beştepedə görüş keçirib. Təxminən 1 saat davam edən görüş mediaya qapalı şəkildə baş tutub. Qəbulda DEM Partiyasının təmsilçiləri – TBMM sədr müavini və Van millət vəkili Pervin Buldan, Şanlıurfa millət vəkili Mithat Sancar, həmçinin AK Partinin sədr müavini Efkan Ala və MİT sədri İbrahim Kalın iştirak ediblər.

Türkiyə Respublikasının xarici işlər naziri Hakan Fidan və Milli Təhlükəsizlik Xidmətinin (MİT) rəhbəri İbrahim Kalın Qətərin paytaxtı Dohada “HƏMAS” hərəkatının rəhbərləri ilə görüş keçiriblər. Danışıqlar zamanı Qəzza zolağında davam edən humanitar böhran, atəşkəsin davam etdirilməsi və bölgədə sabitliyin bərpası istiqamətində mümkün vasitəçilik addımları müzakirə olunub.

ABŞ prezidenti Donald Trampın Orta Şərq üzrə xüsusi nümayəndəsi Stiv Vitkof İsrailin Təl-Əviv şəhərində çıxış edərkən, Qəzzada atəşkəsin əldə olunmasında göstərdiyi səylərə görə Türkiyə, Qətər və Misirə təşəkkür edib.

Azərbaycan səfərindən qayıdarkən təyyarədə jurnalistlərin suallarını cavablandıran Türkiyə Prezidenti Rəcəb Tayyib Ərdoğan Qəzzədəki vəziyyət, Həmas və ABŞ Prezidenti Donald Trampla aparılan danışıqlar barədə ətraflı məlumat verib. Ərdoğan bildirib ki, Türkiyə illərdir Qəzzədə qan tökülməsinin dayandırılması və fələstinlilərin təhlükəsizliyinin təmin olunması üçün çalışır. “Fələstinlilər yaxşı bilirlər ki, Türkiyə onların maraqlarını qoruyur və müdafiə edir. Qəzzədə baş verən faciənin dayandırılması üçün daim səylər göstəririk. HƏMAS-la mütəmadi əlaqədəyik və Fələstinin gələcəyi üçün ən düzgün addımların hansı olmalı olduğunu izah edirik.”-deyə Ərdoğan bildirib.

Türkiyə Milli Kəşfiyyat Təşkilatı (MİT), İstanbul Baş Prokurorluğu və İstanbul Polis İdarəsinin Terrorla Mübarizə Şöbəsi ilə birgə həyata keçirilən əməliyyat nəticəsində İsrail gizli xidməti MOSSAD-a məlumat ötürən vəkil Tuğrulhan Dip tutulub.

Türkiyənin Milli Kəşfiyyat Təşkilatı (MİT), İstanbul Cumhuriyyət Baş Prokurorluğu və İstanbul Polis İdarəsinin birgə əməliyyatı nəticəsində İsrail gizli xidməti MOSSAD üçün çalışdığı müəyyən edilən Serkan Çiçək saxlanılıb. Serkan Çiçəyin İsrailin Onlayn Əməliyyat Mərkəzinin üzvü Faysal Rəşidlə əlaqədə olduğu aşkar edilib.

Türkiyə, bu gün Qətərdə Qəzza zolağında atəşkəsə nail olmaq məqsədilə keçiriləcək vasitəçilik toplantısında iştirak edəcək. Toplantıda Türkiyəni Milli Kəşfiyyat Təşkilatının (MİT) rəhbəri İbrahim Kalın təmsil edəcək. Görüşdə Qəzzada atəşkəsin təmin olunması və bölgədəki humanitar vəziyyətin yüngülləşdirilməsi istiqamətində diplomatik səylər müzakirə olunacaq.

Türkiyə Milli İstihbarat Təşkilatının (MİT) rəhbəri İbrahim Kalın, ikitərəfli və regional təhlükəsizlik məsələlərini müzakirə etmək üçün Suriya paytaxtı Şamda səfərdədir. Görüşdə ikitərəfli əlaqələr, regional təhlükəsizlik problemləri və bölgədəki son inkişafların müzakirə olunacağı gözlənilir.

Türkiyənin milli müdafiə naziri Yaşar Güler, daxili işlər naziri Ali Yerlikaya və Milli Kəşfiyyat Təşkilatının (MİT) rəhbəri İbrahim Kalın Milli Müdafiə Nazirliyində görüş keçiriblər. Türkiyə Milli Müdafiə Nazirliyinin sosial media hesabında verilən açıqlamaya əsasən, Türkiyə Milli Müdafiə Naziri Yaşar Güler, Daxili İşlər Naziri Ali Yerlikaya və Milli Kəşfiyyat Təşkilatının (MİT) rəhbəri İbrahim Kalın Türkiyə Milli Müdafiə Nazirliyində bir araya gəliblər. Mətbuata qapalı şəkildə keçirilən görüşə dair bir foto da paylaşılıb.

Türkiyənin Milli Kəşfiyyat Təşkilatının (MİT) Fətullahçı Terror Təşkilatına (FETÖ) qarşı əməliyyatları davam edir. Təşkilatın gizli strukturlarında yüksək vəzifə tutan və barəsində məhkəmə hökmü və axtarış qərarı olan Hakan Kahraman xaricə qaçmaq istəyərkən MİT-in keçirdiyi xüsusi əməliyyat nəticəsində saxlanılıb.