Pakistan Ordusu Əfqanıstanın “terrorçular və qeyri-dövlət aktorlarının mərkəzinə çevrildiyi” xəbərdarlığını verib. Hərbi sözçü leytenant general Əhməd Şərif Çaudhri Taliban hökumətini əl-Qaidə, İŞİD və Pakistan Talibani qruplarını himayə etməkdə ittiham edib. Çaudhri bildirib ki, Suriyadan təxminən 2 min 500 xarici döyüşçü son dövrlərdə Əfqanıstana daxil olub və onların ölkəyə dəvət edildiyi iddia olunur. “Bu terrorçular həm Pakistan, həm də Əfqanıstan vətəndaşı deyil, digər millətlərə mənsubdur. Beynəlxalq militant qrupların yenidən ortaya çıxması qonşu ölkələr üçün də təhlükə yarada bilər,” deyə o əlavə edib.

Pakistanın Hayber Pahtunxva və Belucistan əyalətlərində təhlükəsizlik qüvvələrinin terrorçulara qarşı keçirdiyi əməliyyatlar nəticəsində 12 silahlı təsirsiz hala gətirilib. Təhlükəsizlik qüvvələri istintaq nəticəsində Hayber Pahtunxva əyalətinin Karak bölgəsi və Belucistan əyalətinin Kalat bölgəsində iki ayrı əməliyyat həyata keçirib. Karakda 8, Kalatda isə 4 silahlı təsirsiz hala gətirilib. Əməliyyat zamanı çox sayda silah və mühimmat ələ keçirilib.

İran Xarici İşlər Naziri Abbas Əraqçi və Hakan Fidan ikitərəfli münasibətləri və regional inkişafları müzakirə ediblər. Telefon danışığı zamanı tərəflər qarşılıqlı maraq doğuran bütün sahələrdə əməkdaşlığın gücləndirilməsinin vacibliyini vurğulayıblar. Əraqçi Pakistan və Əfqanıstan arasında gərginliyin azaldılması üçün aparılan səyləri yüksək qiymətləndirib və İslam Respublikası İranın bu prosesə dəstək verməyə hazır olduğunu bildirib. O, həmçinin hərbi təyyarə qəzasında həyatını itirən türk vətəndaşlarının ailələrinə başsağlığı verib.

Əfqanıstan Xarici İşlər Nazirliyinin Vəkili Əmirhan Muttaki bildirib ki, Kabil ilə İslamabad arasındakı görüşlərin uğursuz olmasının əsas səbəbi Pakistan nümayəndələrinin “məqbul və həyata keçirilə bilməyən tələbləri” olub. Kabil mərkəzli Tolo News kanalına danışan Muttaki, İstanbulda keçirilən görüşləri qiymətləndirərək, Pakistanlı nümayəndələrin müzakirələr zamanı “heç yerinə yetirilə bilməyən və məqbul olmayan” tələblər irəli sürdüklərini qeyd edib. Onlardan biri belə olub: “Bizə Pakistan ərazisində bir daha təhlükəsizlik hadisəsi baş verməyəcəyinə zəmanət verin.”

Əfqanıstan hökumətinin sözçüsü Zabihullah Mücahid, ABŞ-a məxsus pilotsuz uçuş aparatlarının (PUA) ölkənin hava məkanını pozduğunu və bu dronların Pakistan ərazisindən keçərək daxil olduğunu bildirib. Mücahid “Tolo News” telekanalına açıqlamasında deyib ki, İstanbulda keçirilən danışıqlarda Pakistan tərəfi Əfqanıstan ərazisinin onlara qarşı istifadə edilməməsini tələb edib, eyni şəkildə Kabil də Pakistan ərazisinin və hava məkanının Əfqanıstana qarşı istifadəsinə etirazını bildirib.

Əfqanıstan rəhbərliyi bildirib ki, Türkiyə və Qətərin vasitəçiliyi ilə İstanbulda keçirilən görüşlərdə həll olunmamış məsələləri müzakirə etmək üçün Pakistanla yenidən bir araya gəlmək barədə razılığa gəlinib. Əfqanıstan rəhbərliyinin sözçüsü Zabihullah Mücahid ABŞ-ın X sosial media platformasında paylaşım edərək, 25-30 oktyabr tarixlərində ölkəsi ilə Pakistan arasında İstanbulda keçirilən görüşləri qiymətləndirib.

Əfqanıstan mətbuatının məlumatına görə, Pakistanla sərhəddə baş verən toqquşmalardan sonra elan edilən atəşkəsin təfərrüatlarını müzakirə etmək üçün İstanbulda keçirilən görüşdə tərəflər bir çox məsələdə razılığa gəlib, digər məsələlər üzrə danışıqların davam edəcəyi bildirilib. Əfqanıstanın paytaxtı Kabildə yerləşən Tolo News telekanalının verdiyi xəbərə əsasən, ABŞ-ın X sosial media platformasında yayımlanan məlumata görə, adları açıqlanmayan mənbələr danışıqların gedişatı barədə məlumat paylaşıb.

Qətər Xarici İşlər Nazirliyi bazar günü bəyan edib ki, Pakistan və Əfqanıstan arasında Dohada keçirilən danışıqlar zamanı “dərhal atəşkəs” barədə razılıq əldə olunub. Bu razılaşma, əvvəlki atəşkəsin pozulmasından sonra Pakistanın hava zərbələri nəticəsində azı 10 nəfərin ölümü ilə nəticələnən toqquşmalardan sonra əldə edilib.

Dünyada nələr baş verir? Son günlər Pakistan və Əfqanıstan arasında demək olar ki, balaca müharibə gedir. Axı niyə? Bu sadəcə ərazi mübahisəsi məsələsidir mi? Mən bunu başqa cür oxuyardım. İlk öncə Əfqan cəmiyyəti Suriya cəmiyyəti qədər sekulyar olmadığı üçün burada beynəlxalq qüvvələrin qarşılıqlı razılığı əsasında Suriya modelində bir Ulus dövlət qurulmadı. Bizim şərti "islamçı məhəllə" nin insanları özünü aldatmasın. Suriya xalqının böyük əksəriyyəti sadəcə olaraq Əsəd getməsini və onun yerində daha mülayim hakimiyyətin olmasını istəyirdi. Əfqan cəmiyyəti belə deyildir.

Pakistan Xarici İşlər Nazirliyi, Əfqanıstanla sərhəddə son günlərdə artan gərginliyin ardından 48 saatlik müvəqqəti atəşkəs elan edib. Pakistan Ordusunun İctimai Əlaqələr İdarəsinin (ISPR) məlumatına görə, Əfqan qüvvələrinin Hayber Paxtunxva ərazisindəki sərhəd postlarına hücumuna cavab olaraq altı tank məhv edilib və 25–30 nəfərin öldüyü ehtimal olunur.

Əfqanıstan hökumətinin, ölkənin Spin Boldak bölgəsi ilə Pakistanın Çaman bölgəsində baş verən silahlı toqquşmaların ardından atəşkəs tələb etdiyi iddia olunub. Pakistanın Kəraçi şəhərində yerləşən Geo News telekanalına danışan təhlükəsizlik rəsmiləri, Pakistan ordusunun Əfqan qüvvələrinə məxsus çoxsaylı post və tankı məhv etdiyini bildiriblər. Məlumata görə, son günlərdə baş verən gərgin döyüşlər nəticəsində Spin Boldak və Çaman bölgələrində ciddi itkilər qeydə alınıb.

Baqram bazası Əfqanıstanda yerləşən ən böyük hava bazası olub və 2001-ci ilin 11 sentyabr hücumlarından sonra ABŞ-ın Taliban əleyhinə apardığı müharibənin əsas dayaqlarından biri sayılıb.