Fələstin Səhiyyə Nazirliyi İsrail tərəfindən daha 15 fələstinlinin nəşinin təhvil verildiyini açıqlayıb. Nəşlərin təhvili atəşkəs və əsir mübadiləsi prosesi çərçivəsində Beynəlxalq Qızıl Xaç Komitəsinin (ICRC) vasitəçiliyi ilə həyata keçirilib.

İsrailin baş naziri Benyamin Netanyahu Qəzza şəhərinə qarşı quru əməliyyatı başlamazdan əvvəl bölgədə saxlanılan israilli əsirlərlə bağlı iclas keçirəcək. AzerVoice-un məlumatına görə, iclasda quru hücumu zamanı əsirlərə zərər dəyməməsi üçün görüləcək tədbirlər, eləcə də digər məsələlər müzakirə olunacaq. Toplantıda müdafiə naziri İsrael Katz, xarici işlər naziri Gideon Saar, strateji məsələlər naziri Ron Dermer, millət vəkili Aryeh Deri, Baş Qərargah rəisi Eyal Zamir və milli təhlükəsizlik müşaviri Tzaçi Haneqbi iştirak edəcək.

Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən daha üç şəhid dəfn olunacaq. AzerVoice xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.

Qəzza zolağında İsrail tərəfindən saxlanılan 13 fələstinli Beynəlxalq Qızıl Xaç Komitəsinin (BQXK) vasitəçiliyi ilə azad edilib. Qeyd olunub ki, Qızıl Xaç Komitəsi mart ayından bəri 5-i qadın olmaqla ümumilikdə 255 fələstinlinin İsrail tərəfindən birtərəfli qaydada azad olunmasına vasitəçilik edib və onların ailələrinə qovuşmasına yardım göstərib. Komitə açıq şəkildə saxlanılan şəxslərin adlarının açıqlanmasını və ailə görüşlərinə icazə verilməsini tələb edib. Açıqlamada vurğulanıb ki, beynəlxalq humanitar hüquqa görə əsirlərə insani münasibət göstərilməli, məqbul saxlanma şəraiti təmin olunmalı və onların ailələri ilə ünsiyyət imkanı qorunmalıdır.

, Əl-Əqsa Şəhidləri Xəstəxanasının mənbələrinə görə, sərbəst buraxılan şəxslər Xan Yunisin şərqindəki Kisufim keçidindən Qəzzaya daxil olub. Onların əksəriyyətinin yorğun vəziyyətdə olduğu, bəzilərində isə işgəncə izləri müşahidə edildiyi bildirilib. Məlumata əsasən, İsrail vaxtaşırı kiçik qruplar halında fələstinliləri azad etsə də, həmin şəxslərdə aclıq və ağır fiziki işgəncə əlamətləri aşkar olunur. Fələstin Əsirlər Dərnəyi daha əvvəl açıqlamışdı ki, quru hücumu başlayandan bəri İsrail minlərlə fələstinlini, o cümlədən qadınlar, uşaqlar, tibb personalı və mülki müdafiə işçilərini saxlayıb.

İsrail ordusu, 7 oktyabr 2023-cü ildən bəri Qəzza zolağından əsir tutduğu 14 Fələstinlini aylar sonra azad edib.