İsrailin keçmiş müdafiə naziri və “Bizim Evimiz İsrail” partiyasının lideri Aviqdor Liberman Baş nazir Benyamin Netanyahunu Qəzza müharibəsi zamanı HƏMAS-la gizli əlaqələr saxlamaqda ittiham edib. Libermanın sözlərinə görə, Netanyahu 2014-cü ildə Qəzza müharibəsi zamanı HƏMAS rəhbərliyi ilə təhlükəsizlik və hərbi rəhbərliyin məlumatı olmadan əlaqə yaradıb. O, baş nazirin Yəhya Sinvarla da yazışdığını iddia edib.

İsrailin Baş naziri Binyamin Netanyahu seçkiqabağı qapalı görüşlərdə Likud Partiyasının 10 mandat itirdiyini və vəziyyət dəyişməsə, seçkilərdə məğlub ola biləcəklərini etiraf edib. İsrailin ictimai yayım qurumu KAN-ın məlumatına görə, Netanyahu oktyabrın 27-də keçirilməsi planlaşdırılan parlament seçkiləri öncəsi partiyasının mövqeyini müzakirə edib. Baş nazirin qapalı toplantılardan birində “10 mandat itirmişik və onları necə geri qaytaracağımızı bilmirəm” dediyi bildirilir.

İsrailin sağçı deputatı Tsvi Sukot İordan çayının qərb sahilində Fələstində həlak olanların xatirəsinə ucaldılmış memorialı dağıdıb. Hadisə İsrail daxilində həm hökumət, həm də müxalifət nümayəndələrinin sərt tənqidlərinə səbəb olub. Sukot Nablusun şimalındakı Madama kəndinə səfəri zamanı çəkiclə üzərində Fələstinlilərin adları yazılmış memorialı dağıdıb. Hadisənin İsrail hərbçilərinin iştirakı ilə baş verdiyi və görüntülərin sosial şəbəkələrdə yayıldığı bildirilib.

ABŞ-da 3 noyabr 2026-cı ildə keçiriləcək aralıq seçkilər və İsraildə 27 oktyabr 2026-cı il parlament seçkiləri Donald Tramp və Benyamin Netanyahu üçün mühüm siyasi sınaq olacaq. Hər iki liderin seçicilərdən dəstək almaq üçün fərqli mövqelər nümayiş etdirməsi diqqət çəkir. ABŞ-da Nümayəndələr Palatasının 435 deputatı, Senatın isə 100 yerindən 35-i yenidən seçiləcək. Eyni zamanda 36 ştatda qubernator seçkiləri keçiriləcək. İsraildə isə Knesset seçkiləri hökumətin gələcək istiqamətini müəyyənləşdirə bilər.

İsrailin Baş naziri Benyamin Netanyahu hüquqi problemlərə baxmayaraq siyasi nüfuzunu qoruyur. Son sorğular onun rəhbərlik etdiyi sağçı siyasi düşərgənin hələ də ən güclü mövqeyə malik olduğunu göstərir. Sol yönümlü siyasi qüvvələrin dəstəyi isə zəifləməkdə davam edir. Netanyahu üçün əsas rəqabət sağçı siyasi qüvvələrin daxilindən gəlir. Bununla belə, müxalifət hakim koalisiyanı dəyişmək üçün kifayət qədər dəstəyə malik deyil. Müşahidəçilər yaxın dövrdə siyasi mənzərənin ciddi dəyişməsini gözləmirlər. İsrail siyasətində əsas rəqabətin sağçı qüvvələr arasında davam etdiyi bildirilir.

İsraildə siyasi mənzərə sürətlə dəyişir. Baş nazir Benyamin Netanyahunun rəhbərlik etdiyi hökumətə ictimai etimadın azalması, müharibənin nəticələri ətrafında davam edən müzakirələr və təhlükəsizlik sahəsində yaranan suallar ölkədə yeni siyasi fiqurların ön plana çıxmasına şərait yaradıb. Bu prosesdə diqqət mərkəzinə keçmiş Baş Qərargah rəisi Qadi Ayzenkot çıxıb. Son ictimai rəy sorğuları onun gələcəkdə baş nazir postu uğrunda Netanyahuya ciddi rəqib ola biləcəyini göstərir.

İtaliya İsrailin ifrat sağçı naziri İtamar Ben-Qvirə qarşı Avropa İttifaqının sanksiyalar tətbiq etməsini tələb edib. Bu addım, Ben-Qvirin Qəzzaya doğru hərəkət edən “Global Sumud Flotilla” fəallarını əlləri bağlı, diz çökmüş və başları yerə əyilmiş vəziyyətdə göstərən görüntüləri paylaşması ilə bağlıdır. İtaliyanın xarici işlər naziri Antonio Tayani vurğulayıb ki, bu tələb flotiliyaya qarşı törədilmiş qəbuledilməz hərəkətlər, beynəlxalq sularda fəalların zorla saxlanması və onların ən fundamental insan hüquqlarının pozulması səbəbindən irəli sürülüb.

ABŞ mərkəzli araşdırma şirkətlərinin hazırladığı son hesabatlarda 1979-cu ildən bu yana yəhudi əleyhdarlığının ən yüksək səviyyəyə çatdığı bildirilib. Hesabatlarda xüsusilə sosial mediada həm yəhudi, həm də İsrail əleyhinə ritorikanın daha geniş yayılmağa başladığı qeyd olunub.

İsrail siyasətində formalaşan yeni ittifaq – keçmiş baş nazirlər Naftali Bennett və Yair Lapidin birlikdə seçkilərə getmək qərarı – adi seçki manevri deyil, sistem daxilində dərin struktur dəyişikliklərinin siqnalı kimi qiymətləndirilir. Bu addım əslində bir əsas suala cavab axtarır: İsraildə müxalifət Benyamin Netanyahunun uzunmüddətli hakimiyyətinə real alternativ yarada bilərmi, yoxsa bu cəhd onun mövqelərini daha da möhkəmləndirəcək?

İsrailin baş naziri Benyamin Netanyahunun keçmiş köməkçisi və mətbuat katibi Eli Feldşteyn 2023-cü ilin 7 oktyabrında HƏMAS-ın İsrailə hücumundan dərhal sonra baş nazirin ondan təhlükəsizlik boşluğu ilə bağlı məsuliyyətdən yayınmaq üçün plan hazırlamağı tələb etdiyini iddia edib. Onun sözlərinə görə, hücumdan sonra Netanyahudan aldığı “ilk tapşırıq” ictimaiyyət və mediada məsuliyyət məsələsinin gündəmdən çıxarılması olub. Feldşteyn bildirib ki, baş nazir mediada məsuliyyət mövzusunun müzakirə edilib-edilmədiyi ilə maraqlanıb və bu mövzuda yaranmış təzyiqin necə neytrallaşdırıla biləcəyi barədə təkliflər istəyib.

İsrailin Baş naziri Benyamin Netanyahu yenidən Tel-Əviv Mərkəzi Məhkəməsi qarşısına çıxıb. O, haqqında irəli sürülmüş korrupsiya ittihamlarına cavab verib, lakin proses zamanı “gizli zərf” aldıqdan sonra məhkəmə zalını 20 dəqiqəlik tərk edib. Məlumata görə, istintaq bu dəfə Netanyahuya qarşı “4000-ci iş” üzrə suallar üzərində cəmləşib. Bu iş çərçivəsində Netanyahuya “Bezeq” telekommunikasiya şirkətinin və “Walla” xəbər portalının keçmiş sahibi Şaul Eloviçə media imtiyazları və tənzimləmə güzəştləri verməkdə, əvəzində özünə müsbət media dəstəyi almaqda ittiham olunur.

İsrailin hücumları nəticəsində Qəzzada minlərlə insan həyatını itirib, şəhərlər dağıdılıb, infrastruktur məhv edilib.