Türkiyə Prezidenti Rəcəb Tayyib Ərdoğan EFES-2026 təlimlərində çıxış edərək Türk Ordusunun “istiqlal, sülh və sabitliyin ordusu” olduğunu vurğulayıb. Ərdoğan qeyd edib ki, Türk Ordusu yalnız ölkəsinin və xalqının təhlükəsizliyinin təminatçısı deyil, həm də regional sülhün əsas dayağıdır.

Türkiyə Prezidenti Rəcəb Tayyib Ərdoğan Trendyol Süper Liqa 2025-2026 mövsümünün çempionu olan Qalatasaray Kulubunu qəbul edib. Qəbul zamanı Dursun Özbək Ərdoğana üzərində adı və “53” yazılmış Galatasaray formasını təqdim edib. Ziyarətdə həmçinin Gənclik və İdman Nazirliyi nümayəndələri və digər rəsmi şəxslər də iştirak ediblər

Türkiyə Prezidenti Rəcəb Tayyib Ərdoğan Türk Dövlətləri Təşkilatına üzv ölkələrin Türküstanda keçirilən qeyri-rəsmi sammitində texnologiya sahəsində əməkdaşlığı yüksəltməyin vacibliyini vurğulayıb. O, süni intellekt və rəqəmsal inkişaf məsələlərinin strateji gələcək baxışı kimi qəbul edilməsinin önəmini qeyd edib və texnologiyaların qlobal dominantlıq alətinə çevrilməməsi üçün düzgün yanaşma tətbiq edilməsinin vacib olduğunu bildirib.

Türkiyə Prezidenti Rəcəb Tayyib Ərdoğan Özbəkistan Prezidenti Şavkat Mirziyoyev ilə görüşüb. Görüş Ərdoğanın qalxdığı oteldə mətbuata qapalı şəkildə həyata keçirilib və Türkiyənin Xarici İşlər Naziri Hakan Fidan da iştirak edib. Görüş Qazaxıstanın Türküstan şəhərində keçirilən Türk Dövlətləri Təşkilatı Qeyri-rəsmi Zirvəsi çərçivəsində baş tutub.

Qazaxıstan Prezidenti Kasım-Jomart Tokayev həmkarı Rəcəb Tayyib Ərdoğan ilə Astanada keçirdiyi birgə mətbuat konfransında Türkiyənin son illərdə qazandığı nailiyyətləri yüksək qiymətləndirib. Tokayev Türkiyənin Ərdoğanın vizyoner təşəbbüsləri ilə həyata keçirilən islahatlar nəticəsində sabit inkişaf yolu izlədiyini bildirib. O, Türkiyənin təsirli və güclü bir dövlətə çevrildiyini qeyd edərək, qardaş ölkənin hər bir uğuruna sevindiklərini vurğulayıb.

Türkiyə Prezidenti Rəcəb Tayyib Ərdoğan Qazaxıstanın paytaxtı Astanada həmkarı Kasım-Jomart Tokayev ilə keçirdiyi birgə mətbuat konfransında regional nəqliyyat və enerji layihələri barədə strateji bəyanatlar verib. Ərdoğana iki ölkə arasındakı sarsılmaz qardaşlığın rəmzi olaraq "Xoca Əhməd Yasəvi Nişanı" təqdim edilib.

Türkiyə Respublikasının Prezidenti Rəcəb Tayyib Ərdoğan rəsmi səfər üçün gəldiyi Qazaxıstanın paytaxtı Astanada Qazaxıstan Prezidenti Kasım-Jomart Tokayev tərəfindən yüksək səviyyəli rəsmi mərasimlə qarşılanıb. Ərdoğanın avtomobili Türkiyə və Qazaxıstan bayraqları ilə bəzədilmiş marşrutla hərəkət edərək Müstəqillik Sarayına gəlib.

Rəcəb Tayyib Ərdoğan Qalatasarayın prezidenti Dursun Özbek və baş məşqçisi Okan Buruk ilə telefonla əlaqə saxlayaraq komandanın çempionluğunu təbrik edib. Görüş zamanı prezident komandanın göstərdiyi performansı yüksək qiymətləndirib və əldə olunan uğura görə klub rəhbərliyini və texniki heyəti təbrik edib.

Rəcəb Tayyib Ərdoğan Avropa inteqrasiyasının əsasını təşkil edən Şuman Bəyannaməsinin ildönümündə yayımladığı bəyanatda Avropa Birliyinin son illərdə çoxşaxəli siyasi, iqtisadi və təhlükəsizlik böhranları ilə üzləşdiyini bildirib. Türkiyə lideri qeyd edib ki, qlobal müharibələr, siyasi qarşıdurmalar və iqtisadi çətinliklər fonunda Avropa Birliyi daha əhatəli və birləşdirici siyasət yürütməyə məcburdur.

Türkiyədə baş verən güclü sel və ekstremal hava hadisələri beynəlxalq reaksiyalara səbəb olub. Bəyanatda Pakistan xalqı və hökuməti adından Türkiyə Prezidenti Rəcəb Tayyib Ərdoğan və qardaş türk xalqına dərin hüznlə başsağlığı ifadə olunub. Qeyd edilib ki, baş verən təbii fəlakət nəticəsində insan tələfatı və ciddi maddi ziyan qeydə alınıb. Pakistan tərəfi bu ağır gündə Türkiyə ilə tam həmrəylik nümayiş etdirdiyini vurğulayıb.

Türkiyə Prezident Administrasiyasının Kommunikasiya idarəsinin rəhbəri Burhanettin Duranın sosial media hesabında paylaşdığı məlumata görə, Prezident Rəcəb Tayyib Ərdoğan MHP lideri Devlet Bahçelini qəbul edəcək. Görüş bu gün saat 17:30-da Prezident iqamətgahında baş tutacaq. Görüşdə aktual siyasi məsələlərin və "Cumhur İttifaqı"nın gələcək fəaliyyət istiqamətlərinin müzakirə olunacağı gözlənilir.

Rəcəb Tayyib Ərdoğan bölgədə “birlik və qardaşlığın” gücləndirilməsinin vacibliyini vurğulayıb. Ərdoğan qeyd edib ki, Türkiyə regionda kürdlər, ərəblər, türkmənlər və farslar arasında fərq qoymadan sülh mesajlarını davamlı şəkildə çatdırır. Türkiyə lideri əlavə edib ki, Ankara ortaq tarix və gələcək prinsiplərinə əsaslanan yeni təhlükəsizlik modelinin formalaşdırılmasına çalışır və regionda manipulyasiya cəhdlərinə qarşı çıxmağın vacibliyin